-Саха Сиригэр биһиги баартыйабытыгар 2000 тахса киһи баар. Өрөспүүбүлүкэ бары муннуктарыгар олохтоох салаалар бэйэлэрин ыстааптарын, үлэһиттэрин, координатордарын кытары үлэлииллэр. Олортон ордук актыыбынайдарынан Нерюнгри, Ленскэй, Мииринэй, Усуйаана, Үөһээ Халыма диэн бэлиэтиэххэ сөп. Национальнай оройуоннарга да баартыйабыт баар буолан эрэр. Холобур, Үөһээ Бүлүүгэ оройуон Сэбиэтин дьокутаатыгар хандьыдаатынан регистрацияны ааспыттара.
Номоххо киирбит лиидэрбит, чаҕылхай бэлиитик Владимир Жириновскай биһиги кэккэбититтэн суох буолла. Ол гынан баран, кини тэрийбит баартыйата дьон-сэргэ олоҕун уйгутун уһансарга күн ахсын үлэлэһэр.
Биһиги үлэбитин тэлэбиисэргэ көстөөрү дуу, биитэр араадьыйанан иһиллээри оҥорбоппут, болҕомто, “хайп” тута сатаабаппыт. Холобур, бу соторутааҕыта Баатаҕай уонна Депутатскай курдук ыраах улуустар кырыы сытар нэһилиэктэригэр почта үлэтин олоҕун болларыы боппуруоһун ЛДПР координатордара миэстэтигэр быһаардылар.
Биһиэхэ дьон араас ыйытыынан кэлэ турар. Биһиги кинилэр кыһалҕаларын быһаарарга көмөлөһөбүт, көрдөһүүлэринэн тустаах тэрилтэлэргэ суруктары ыытабыт, ыйан-кэрдэн биэрэбит. Үксүн хомунаалынай өҥөлөрү төлөөһүн, дьиэ-уот, прописка боппуруостара буолар.
ЛДПР дьокутааттара элбэх сокуоҥҥа сөптөөх көннөрүүлэри киллэрэбит. Холобура, үөрэнээччилэргэ спортивнай үөрэхтээһини, ыраах улуустарга тулаайах оҕолор олорор усулуобуйаларын тупсарыы, хоту оройуоннарга үлэ ыстааһын аахсыы, куорат тырааныспара, о.д.а. Бу барыта дьон-сэргэ күннээҕи олоҕо тупсарыгар туһуланар. Владимир Вольфович этэрэ: “Уопсастыба уонна былаас биир сомоҕо буолуохтаах”, -- диэн. Ол этиитин тосхол гына тутуһабыт.
-
1
-
0
-
0
-
0
-
0
-
0
