“Бэрэсидьиэн билиҥҥи кэмҥэ ураты суолталаах боппуруостары таарыйда, ол иһигэр дойдубут экэниэмикэтин, дьиэ кэргэни уонна биисинэһи өйөөһүнү, култуураны уонна тыа сирдэрин сайыннарыыны.
Владимир Владимирович тыа сирдэригэр култуура дьиэлэрин, эрэгийиэн уонна муниципалитеттар тыйаатырдарын саҥардыыга бырагырааманы кэҥэтиини эттэ, маныаха бу сыалга 2023-2024 сылларга 6 миллиард солкуобайы ыытарын иһитиннэрдэ.
Холобур быһыытынан дойду салайааччыта Сахабыт Сирин олохтооҕун, РФ Үлэ Дьоруойа Владимир Африканович Михайловы кытары соторутаааҕыта буолбут көрсүһүүтүн аҕынна.
Владимир Владимирович биһиги биир дойдулаахпыт туруорсубут этиитэ -- тыа кулуубун тутуу -- булгуччу туолуоҕар эрэннэрдэ. Бэрэсидьиэн бэлиэтииринэн, сиргэ үлэлиир дьон дойдуну аһаталлар, эйэлээх олоҕу түстүүллэр, онон кинилэр олорор усулуобуйалара толору хааччыллыылаах уонна үчүгэй буолуохтаах.
Владимир Владимировичка тыа сирин сайдыытын өйүүрүгэр уонна тирэх буоларыгар махтанабын!” диэн суруйда телеграм-ханаалыгар Ил Дархан Айсен Николаев.
-
0
-
0
-
0
-
0
-
0
-
0
