Салгыы оробуочай сырыытын туһунан бу курдук кэпсиир:
--Дойду үрдүнэн быыбар сомоҕо биир күнүгэр (быйыл балаҕан ыйын 11 күнүгэр түбэһэр) бэлэмнэнии боппуруостарынан баартыйа актыыбын кытта көрүстүм, араас таһымнаах дьокутааттары кытта сэлиэктэр мунньаҕын ыыттым.
Балаҕан ыйыгар бүтүн өрөспүүбүлүкэ үрдүнэн 2771 муниципальнай дьокутааты талыахпыт. Ол иһигэр 6 улууска оройуон дьокутаатын быыбара буолуоҕа. Мииринэй, Усуйаана, Булуҥ улуустарыгар баартыйа испииһэгинэн быыбар эмиэ буолуоҕа. Куоластааһын соҕотох күнүгэр поселение 191 баһылыга талыллыаҕа. Атырдьах ыйын 1 күнүгэр диэри бу муниципальнай тэриллиилэр дьокутаакка хандьыдааттарын туруорууну хааччыйыахха наада.
Өрөспүүбүлүкэ үрдүнэн быыбар хампаанньатын бүттүүнүн салайааччытынан биһиги баартыйабытыттан Саха Өрөспүүбүлүкэтин норуотун дьокутаата, Ил Түмэн урбааҥҥа уонна туризмҥа сис кэмитиэтин бэрэссэдээтэлэ Игорь Иннокентьевич Григорьев ананна.
Суһал ыстааппыт начаалынньыгынан РФ Госдуматын дьокутаатын көмөлөһөөччүтэ Анна Петровна Заровняева буолла.
Баартыйа эрэгийиэннээҕи салаатын сэбиэтин үлэтигэр кыттыыны ыллым, онно Мииринэй, Усуйаана, Булуҥ оройуоннарыгар дьокутаакка хандьыдааттар туруорулуннулар.
Тус көрсүүлэри, сэһэргэһиини ыыттым.
Куоластааһын биир сомоҕо күнүн кэнниттэн, аны, Ил Түмэн дьокутаатыгар, Ил Дархан быыбарыгар бэлэмнэнии тута саҕаланыаҕа.
Онон СИЭРДЭЭХ ЫҤЫРЫЫНЫ биллэрэбит: Дьокутаакка хандьыдатынан уонна Ил Дархаҥҥа хандьыдаатынан суруйтарыҥ!
Баҕалаахтар бары суһал ыстааппыт бассаап төлөпүөнүгэр суруйуохтарын сөп: 89243671457
-
2
-
0
-
0
-
0
-
0
-
0
