Издательский дом Редакция Подписка
Погода в Якутске: . -12 oC

Чукоткатааҕы төрүт олохтоох аҕыйах ахсааннаах норуоттар Ассоциацияларын уочараттаах кэмпириэнсийэтигэр эрэгийиэн парламентарийдара Чукотка табаһыттарын босхо аһынан хааччыйар наадатын туһунан эттилэр.

Чукоткатааҕы төрүт олохтоох аҕыйах ахсааннаах норуоттар Ассоциацияларын уочараттаах кэмпириэнсийэтигэр эрэгийиэн парламентарийдара Чукотка табаһыттарын босхо аһынан хааччыйар наадатын туһунан эттилэр.

Кэмпириэнсийэ чэрчитинэн парламент Чукоткатааҕы төрүт олохтоох аҕыйах ахсааннаах норуоттарга сис кэмитиэтин бэрэссэдээтэлэ Лариса Абрютина кэпсииринэн, Чукотка төрүт олохтоох норуоттарын сайдыытын тирээн турар хайысхаларынан сүбэ мунньах буолла.

Хотугу дьиэ табатын иитиитин туруга уонна кэскилэ, ону тэҥэ туундара үлэһиттэрин өйөбүл боппуруостара таарылыннылар. «Ассоциация президиумугар киирэр экспертэри кытта Чукотка төрүт олохтоох норуоттарын интэриэстэригэр сокуоннары оҥорууга үлэлэһэбит. Билигин бэбиэскэҕэ табаһыттары босхо аһынан хааччыйыы боппуруоһа турар. Манна үлэлэһэбит», - диэн дьокутаат иһитиннэрдэ. Кини бу көҕүлээһин Чукотскай уокурук думатыгар бастаан дьүүллэһиллибитин бэлиэтээтэ. Табаһыттар астарын-үөллэрин субсидиялааһын мэхэньиисимин оҥорууга туһааннаах соруктар уокурук департаменыгар ыытыллыбыттара.

«Биһиги уопсастыбанньыктар да, ситэриилээх былаас уорганнарын да ортолоругар биир санаалаахтары булабыт уонна Чукотка төрүт олохтоох норуоттарын кыһалҕаларын быһаарарга кыһаллабыт. Бииргэ үлэлииргэ бэлэммит уонна нуормалыыр аахталары оҥорууга сөптөөх өйөбүлү оҥоруохпутун сөп», - диэн Лариса Абрютина бэлиэтээтэ. Кэмпириэнсийэ кэмигэр арыгылааһын кыһалҕата туспа көрүлүннэ. Сотору кэминэн Чукотка Думатыгар, Чукоткатааҕы төрүт олохтоох аҕыйах ахсааннаах норуоттар Ассоциацияларын бэрэстэбиитэллэрэ кыттыылаах сиһилии дьүүллэһиэхтэрэ.

  • 2
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
Лента новостей

Суоппар буолар уустугурда

Муус устар 1 күнүттэн байаҥкамаат бэбиэскэтиттэн куотунар дьону тырааныспары ыытар…
28.03.24 17:19
Лента новостей

Интерактивнай быыстапка

«Арассыыйа – Мин устуоруйам» мультимедийнай устуоруйа пааркатыгар кулун тутар 20 күнүттэн…
28.03.24 16:23