Издательский дом Редакция Подписка
Погода в Якутске: . -6 oC

Ил Дархан ыйааҕынан байыаннай сулууспалаахтар дьиэ кэргэттэригэр көрүллэр өйөбүл миэрэлэр боппуруостарын бырабыыталыстыба бэрэссэдээтэлин солбуйааччы Сергей Местников салайааччылаах мунньахха көрдүлэр.  

Ил Дархан ыйааҕынан байыаннай сулууспалаахтар дьиэ кэргэттэригэр көрүллэр өйөбүл миэрэлэр боппуруостарын бырабыыталыстыба бэрэссэдээтэлин солбуйааччы Сергей Местников салайааччылаах мунньахха көрдүлэр.  

Мунньахха Үөрэх уонна билим миниистирин бастакы солбуйааччы Михаил Присяжнай, миниистири солбуйааччы Марьяна Маркова, Үлэ уонна социальнай сайдыы миниистирэ Елена Трубина, МФЦ салайааччыта Таисия Батуева, үрдүк уонна орто үөрэх тэрилтэлэрин салайааччылара кытыннылар.

Сергей Местников: “Күн бүгүн өрөспүүбүлүкэҕэ төрөппүттэрэ, кэргэнниилэртэн биирдэстэрэ, байыаннай сулууспа кэмигэр хомуурга хабыллыбыт дьон үрдүк үөрэххэ, кэллиэскэ, тиэхиньикумҥа үөрэнэр устудьуоннарыгар анал истипиэндьийэ төлөнөр. Ону таһынан, өссө биир өйөбүл миэрэ баар – төлөөн үөрэнэр устудьуоннары тус сыаллаах үөрэххэ көһөрүү”, — диэн бэлиэтиир.

Ыйдааҕы анал истипиэндьийэ кээмэйэ 5 607 солк. тэҥнэһэр. Бу истипиэндьийэ устудьуон сүрүн истипиэндьийэни ыларыттан дуу, ылбатыттан дуу тутулуга суох бэриллэр. Ыытыллыбыт үлэ туһунан Михаил Присяжнай отчуоттаата. Миниистири бастакы солбуйааччы: “Бүгүҥҥү күн туругунан анал истипиэндьийэни төлүүргэ 500-тэн тахса уонна тус сыаллаах үөрэх дуогабарын түһэрсэргэ 700-тэн тахса сайабылыанньа  бэлиэтэннэ, байыаннай сулууспалаахтар дьиэ кэргэттэригэр көрүллэр өйөбүл миэрэлэри олоххо киллэрии чааһынан өрөспүүбүлүкэ уонна Арассыыйа үөрэҕин тэрилтэлэрин кытта ыкса сибээс олохтонно”, — диэн эттэ. Үөрэх тэрилтэлэрин бэрэстэбиитэллэрэ миэстэтигэр өйөбүл миэрэлэр олоххо киириилэрин туһунан кэпсээтилэр, көмөнү ылар устудьуоннар ахсааннарын иһитиннэрдилэр.

Санатахха, Ил Дархан Айсен Николаев ыйааҕынан, байыаннай сулууспалаахтар дьиэ кэргэттэригэр өйөбүл миэрэлэр бу сыл алтынньы 5 күнүттэн үлэлииллэр. Сайабылыанньаны МФЦга эбэтэр E-Yakutia порталынан электроннай көрүҥүнэн биэриэххэ сөп. Ити туһунан Үөрэх уонна билим министиэристибэтин пресс-сулууспата суруйар.

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
История

Чернобыль дуораана

Бүгүн, муус устар 26 күнүгэр, Радиациялаах саахаллары итиэннэ катастрофалары туоратыы…
26.04.24 11:27