2023 сыллааҕы бүддьүөт дохуоттаах чааһын кээмэйэ 24,9 млрд солк., ороскуоттаах чааһын кээмэйэ 24,9 млрд солк. буолуо диэн сабаҕаланар. 2023 сыллааҕы уонна былааннаммыт 2025 сылга диэри бүддьүөт дэписсиитэ суох буолара былааннанна.
Ол курдук, киин куорат дьокутааттара анал байыаннай дьайыы кыттыылаахтарыгар 2022 сыллааҕы хамсаабат баай-дуол нолуогар чэпчэтии олохтуур туһунан быһаарыы ылыннылар. Итини сэргэ анал байыаннай дьайыы сулууспалааччылар дьиэ кэргэттэрин өйөөһүҥҥэ материальнай көмө оҥорорго үп-харчы тыырдылар.
Дьокуускай куорат Думатын бэрэссэдээтэлэ Альберт Семенов этэринэн, анал байыаннай дьайыы кыттыылаахтарыгар, быстах хомуурга ыҥырыллыбыттарга, баҕа өттүнэн байыаннай дьайыыга дойду көмүскээччилэригэр нолуокка чэпчэтиилэр хамсаабат баай-дуол бары көрүҥнэригэр көрүллэр. Итиэннэ анал байыаннай дьайыы кыттыылаахтарыгар 2022 сыллааҕы сир нолуогар чэпчэтиилэр киирдилэр.
Мантан атын куорат бүддьүөтүгэр хаарбах туруктаах дьиэ пуондатыттан көһөрүүгэ 150 мөл. солк., эдэр ыалларга дьиэ атыылаһыыга уонна тутууга 35 мөл. солк. үп уурулунна.
«Дьокуускай куорат» уокурук сиригэр- уотугар үөрэх тэрилтэлэрин, физическэй култуура уонна спорт ситимин сайыннарыыга 1 972 мөл. солк., ол иһигэр 26 №-дээх уонна 29 №-дээх орто оскуолаларга пристрой, Хатаска спорт комплексын уонна 77 кыбартаалга спортивнай сааланы тутууларга үп-харчы көрүлүннэ.
-
3
-
0
-
0
-
0
-
0
-
0
