Өрөспүүбүлүкэ хамаандатыгар 3 түһүмэхтээх сүүмэрдээһини ааспыт тустууктар хабылыннылар. Ол курдук, сүрүннээн маннык успуорт оскуолалартан киирдилэр: Чурапчытааҕы (Д.П. Коркин аатынан), Дьокуускайдаҕы ( В.П. Керемясов аатынан), Сунтаардааҕы (А.И. Иванов аатынан), ону таһынан Майатааҕы, Намнааҕы, Бүлүүтээҕи. Бастакы хамаандаҕа бары 9 ыйааһыҥҥа, иккис хамаандаҕа 5 тустуук киирдилэр.
Сүүмэрдэммит хамаанда бу күннэргэ Алдаҥҥа бэлэмнэнии иккис түһүмэҕин түмүктээн эрэр. Оттон салгыы бэс ыйын 12 -22 күннэригэр түмүктүүр түһүмэҕи Дьокуускайга Р.М. Дмитриев аатынан Олимпийскай эрэсиэрбэ училищетыгар барыахтара.
Ааспыт, Владивостокка ыытыллыбыт VII «Азия оҕолоро» Оонньууларыгар Саха Сирин хамаандата икки үрүҥ көмүс, икки боруонса мэтээли ылбыта. Тириэньэрдэр быйылгы оонньуулар төрөөбүт сирбитигэр ыытылларынан ордук элбэх мэтээли ылыахтара диэн эрэнэллэр.
Саха Сирин хамаандата -1
38 кг: Егор Ефимов (Чурапчы)
41 кг: Дьулустан Капитонов (Чурапчы)
44 кг: Ариан Винокуров (Дьокуускай)
48 кг: Андрей Слепцов (Чурапчы)
52 кг: Айсен Захаров (Дьокуускай)
57 кг: Арылхан Кононов (Чурапчы)
62 кг: Эрхан Николаев (Сунтаар)
68 кг: Пантелеймон Софронеев (Бүлүү)
75 кг: Андрей Николаев (Мэҥэ Хаҥалас)
Саха Сирин хамаандата -2
38 кг: Николай Платонов (Дьокуускай)
44 кг: Власий Афанасьев (Мэҥэ Хаҥалас)
48 кг: Айтал Аммосов (Чурапчы)
52 кг: Леонид Павлов (Сунтаар)
57 кг: Саян Федоров (Нам)
Хаартыскалар Sportyakutia.ru
-
0
-
0
-
0
-
0
-
0
-
0
