Норуот дьокутааттара Михаил Гуляевы уонна Алена Атласованы кытта тэҥҥэ «Саха» НКИХ биэриитигэр II, III, IV ыҥырыылаах СӨ норуот дьокутаата, СӨ норуот хаһаайыстыбатын үтүөлээх үлэһитэ, РФ нэһилиэнньэтин социальнай көмүскэлин үтүөлээх үлэһитэ, Софья Сидорова аатынан бочуоттаах бэлиэ, Арассыыйа дьахталларын сойууһун өйдөбүнньүк мэтээл хаһаайката, РФ дьахталларын Сойууһун бочуоттаах үлэһитэ, 1991-1996 сс. Арассыыйа дьахталларын сойууһун бырабылыанньатын чилиэнэ Альбина Поисеева кыттыыны ылла диэн Ил Түмэн пресс-сулууспата иһитиннэрэр.
Биэриини уопуттаах суруналыыс, СӨ култууратын үтүөлээх үлэһитэ, Евразийскай тэлэбиидэнньэ уонна араадьыйа академиятын дьиҥнээх чилиэнэ, РФ суруналыыстарын сойууну чилиэнэ Лена Керемясова иилээн-саҕалаан ыытта.
Көрсүһүүгэ чэпчэки атлетика спортсмена, Арассыыйа спордун үтүөлээх маастара, СӨ физическэй култуураҕа уонна спорка үтүөлээх үлэһитэ, СӨ доруобуйа харыстабылын туйгуна, Доллу нэһилиэгин уонна Мэҥэ Хаҥалас улууһун бочуоттаах гражданина Татьяна Жиркова, аан дойдутааҕы гроссмейстер, дуобакка аан дойду бастакы чөмпүйүөнэ Матрена Ноговицына, пауэрлифтинг спорт маастарын хандьыдаата, пауэрлифтинг маастара Екатерина Белолюбская, оҕунан ытааччы, норуоттар икки ардыларынааҕы кылаастаах спорт маастара, 2012 сылга Олимпийскай оонньууларга Арассыыйа национальнай сүүмэрдэммит хамаандатын чилиэнэ, Горнай улууһун бочуоттаах гражданина Кристина Тимофеева, 2012 сылга Паралимпийскай оонньууларга боруонса призера, норуоттар икки ардыларынааҕы кылаастаах спорт маастара, Арассыыйа спордун үтүөлээх маастара Степанида Артахинова ыҥырыллыбыттара.
Кэпсэтии спорка, спорт ситиһиилэригэр, дьиэ кэргэн уонна оҕо саас тиэмэтигэр анаммыта. Көрсүһүү кыттыылаахтара бэлэмнэнии хаамыытын, аймахтарын уонна чугас дьонун өйөбүллэрин туһунан кэпсээтилэр, инники былааннарын үллэһиннилэр. Биэрии «Саха» НКИХ эпииригэр сарсын, кулун тутар 12 күнүгэр, 12:15 чаастан тахсыаҕа.
-
0
-
0
-
0
-
0
-
0
-
0
