Бассейнҥа 14-гэр диэри саастаах оҕолорго мэдиисиинэ ыспыраапката наада буолар, оттон 14-тэн үөһэ саастаах оҕолорго ирдэммэт. Катокка нэһилиэнньэ бэйэ хаҥкылаах сылдьара ирдэнэр.
Оҕолорго катокка биир чааһа сыаната 180 солк., улахан дьоҥҥо — 280 солк. буолар. Оттон бассейнҥа оҕолор 45 мүн. сөтүөлүүллэригэр төлөбүрүн кээмэйэ 150-тэн 200 солк. диэри, улахан дьоҥҥо – 250-тэн 400 солк. диэри буолуо. Төлөбүр кээмэйэ киһи сылдьар бириэмэтиттэн уонна күнүттэн тутулуктаах. Дьон-сэргэ араас категорияларынан көрөн, эбии чэпчэтиилэр олохтонуохтара, иһитиннэрии «Чолбон» бассейн саайтыгар сарсын, тохсунньу 31 күнүгэр, тахсыаҕа.
Санаттахха, эбийиэк «Газпром — оҕолорго» бырагырааманан 7 тыһ. кв. миэтэрэ иэннээх тутуллубута. Икки этээстээх комплекск искусственнай катоктаах, 25 миэтэрэ уһуннаах бассейнаах, «кураанах уулаах» бассейн саалалаах, душтаах, тириэнньэрдэр, мэдэссиинэ үлэһиттэрин кабинеттардаах, уо.д.а. бааллар.
Манна эбэн эттэххэ, аныгы дьиэ эбийиэгин үөрүүлээх аһыллыыта былырыын, ахсынньы 24 күнүгэр, ыытыллыбыта, оччолорго СӨ Ил Дархана Айсен Николаев киин куорат олохтоохторугар, чуолаан, Гагаринскай уокурук, Маҕан уонна Марха олохтоохторугар дьоһун бэлэх буолбутун бэлиэтээбитэ.
-
1
-
0
-
0
-
0
-
0
-
0
