Манна даҕатан эттэххэ, Дьулус Михайлович элбэх оҕолоох дьиэ кэргэн аҕа баһылыга, СӨ экологияҕа, айылҕаны туһаныы уонна ойуур хаһаайыстыбатын министиэристибэтин чуолаан харыстанар айылҕа сирин-уотун уонна булт хаһаайыстыбатын департаменын салайааччыта.
«Успуорт дьулуурдаах, тулуурдаах буоларга, дьарыкка көтүмэҕэ суох сыһыаннаах, сыалы-соругу таба туруорунан, ону ситиһэргэ үөрэтэр. Мас тардыһыытын эйгэтин арыйарбар Иван Иванович Копырин көмөлөспүтэ. Бастакы хардыыларбын кини сүбэтинэн-аматынан, быһаччы салайыытынан оҥорбутум. Хатаска успуорт араас көрүҥэр олохтоохтору дьарыктыыр талааннаах дьоннордоохпут наһаа үчүгэй. Ол да иһин буолуо, 1990-ус сыллартан чөл олоҕу көҕүлээччилэр элбэх ыччаты үтүөҕэ, үрдүккэ дьулуһар суолга туруорбуттара.
Успуордунан дьарыктанарым олохпор элбэхтик көмөлөспүтэ. Кыайыыны, кыайтарыыны уйарга, ханнык да түгэҥҥэ муннукка анньыллыбакка, куруутун инним диэки барарга үөрэммитим. Руслан Николаевичка махталым муҥура суох, кини баар буолан ол кэмҥэ дьарыктаммыт уолаттар бары ситиһиилээх этилэр. Кини аҕалыы барыбытын өйөөн, биир-биэс харчыта суох массыынатынан тиэйэн күрэхтэһиннэрэрэ, үбүнэн-харчынан көмөлөһөрө, өй-санаа өттүнэн эмиэ элбэх сүбэни-аманы биэрэрэ, бэйэбитигэр эрэллээх буоларга олук уурбута», — диэн кэпсиир кини.
-
0
-
0
-
0
-
0
-
0
-
0
