Турнир ССРС чөмпүйүөнэ, Саха Сирин физическэй култуураҕа уонна успуорка үтүөлээх үлэһитэ Семен Морфунов 75 сааһыгар ананар. Улfхан тустуу түһүлгэтэ А.И. Федотов аатынан успуорт комплексыгар буола турар.
Билигин "Тустууга сүгүрүйэбин" телеграм ханаал бөлөҕөр видиеонан кэпсии тураллар, кэмэнтээтэр арааһа Иван Оконешников быһыылаах, куолаһыттан иһиттэххэ? Махтал диэн Дьулурҕан телеграм ханаалыгар суруйаллар.
Билигин 14 ч. 42 мүн. иһитиннэриинэн, полуфинал киирсиилэрэ буолаары тураллар: 65 киилэҕэ Арсен Кононов- Александр Авелов, Эдуард Попов - Ньургун Терентьев; 70 киилэҕэ Владислав Кривишапкин - Иннокентий Антонов, Игорь Матвеев - Петр Ксенофонтов; 74 киилэҕэ круговой.
«Кыайыылаахтарга 50 тыһ. солк. харчынан бириистэр туттарыллыахтара, үрүҥ көмүс мэтээл призердара — 30 тыһ.солк., оттон боруонса мэтээлинэн наҕараадаламмыттар — 10 тыһ. солк. ылыахтара. Турнир өрөспүүбүлүкэ тустууга чөмпүйэнээтигэр бэлэмнэнии түһүмэҕинэн буолуоҕа, онон күүстээх кыттааччылаах састааптар тахсаллара күүтүллэллэр», — диэн тэрийээччилэр иһитиннэрэллэр.
Хаартыска: Дьулустаан Сергеев, СИА
-
1
-
0
-
0
-
0
-
0
-
0
