Издательский дом Редакция Подписка
Погода в Якутске: . -14 oC

Төлөбүрдэр от ыйын 1 күнүттэн бэриллиэхтэрэ. Үрүҥ көмүс призердарга стипендия ыйга 39 тыһ.солк. тэҥнэһэр, боруонсалаахтарга - 30 тыһ. солк. Паралимпийскай уонна Сурдлимпийскай истибэттэргэ оонньууларын үрүҥ көмүс уонна боруонса призердара РФ Президенин стипендиятын ылыахтара диэн sportyakutia.ru иһитиннэрэр.

Төлөбүрдэр от ыйын 1 күнүттэн бэриллиэхтэрэ. Үрүҥ көмүс призердарга стипендия ыйга 39 тыһ.солк. тэҥнэһэр, боруонсалаахтарга - 30 тыһ. солк. Паралимпийскай уонна Сурдлимпийскай истибэттэргэ оонньууларын үрүҥ көмүс уонна боруонса призердара РФ Президенин стипендиятын ылыахтара диэн sportyakutia.ru иһитиннэрэр.

Бу туһунан Президент ыйааҕа нормативнай аакталар бырайыактарын порталыгар таҕыста.  Стипендия эбии социальнай мэктиэ олохтуурга Паралимпийскай уонна Сурдлимпийскай оонньуулар, ону таһынан Аан дойдутааҕы оонньууларын спортсменнарыгар ананар. Ону таһынан, бу стипендия 1992 сыллаахха СССР сборнайыгар уонна сүүмэрдэммит хамаанда оонньууларыгар кыттыбыт, идэлээх карьераларын түмүктээбит спорстменнарга туһуланар. Төлөбүрдэр от ыйын 1 күнүттэн саҕаланыахтара. Оттон үрүҥ көмүс уонна боруонса наҕараада хаһаайыннарыгар төлөбүр үрдүк таһымнаах мэтээл көрүҥүнэн төлөнүөҕэ. Дисквалификациялыммыт спортсменнарга санкция уһуллуор диэри стипендия анаммат. Эбэн этэр буоллахха, 2012 сыллааҕы СӨ Бырабыыталыстыбатын уурааҕынан Олимпиада, Паралимпиада, Сурдлимпиада кыайыылаахтарыгар уонна призердарыгар ый ахсын эбии олохторун тухары өрөспүүбүлүкэттэн харчы төлөнөр.

Паралимпийскай уонна Сурдлимпийскай оонньуулар Саха сирин кыайыылаахтара уонна призердара

Балынец Владимир — спорт үтүөлээх маастара, Лондон к. пауэрлифтиҥҥа XIV Паралимпийскай оонньуу үрүҥ көмүс призера (Великобритания, 2012).

Артахинова Степанида – спорт үтүөлээх маастара, Лондон к. Оҕунан ытыыга XIV Паралимпийскай оонньуу боруонса призера (Великобритания, 2012).

Диодорова Анастасия – спорт үтүөлээх маастара, Лондон к. XIV Паралимпийскай оонньуу ПОДА спорстменнарын ортолоругар харбааһыҥҥа үрүҥ көмүс призера (Великобритания, 2012)

Николаев Сергей Александрович — спорт үтүөлээх маастара, XXI Сурдлимпийскай оонньуу хапсаҕайга чөмпүйүөнэ (Тайбей к., Тайвань, 2009).

Стрекаловский Василий Янович — Арассыыйаҕа хапсаҕайга спорт үтүөлээх, XXIII Сайыҥҥы Сурдлимпийской оонньуулар хапсаҕайга чөмпүйүөнэ (Самсун к., Турция, 2017).

Николаев Прокопий — спорт үтүөлээх маастара, XII Сурдлимпийскай оонньуулар хапсаҕайга үрүҥ көмүс призера. 2013 с. София к. XXII Сурдлимпийскай оонньуулар үрүҥ көмүс призера (Болгария).

Бородин Владимир — Арассыыйаҕа спорт үтүөлээх маастара, XII Сурдлимпийскай оонньуулар хапсаҕайга 66 киилэҕэ боруонса мэтээлин хаһаайына, 2013 с. София к. XXII Сурдлимпийскай оонньуу боруонса призера (Болгария).

Каторгина Евдокия — спортка үтүөлээх маастара, XXI Сурдлимпийскай оонньуулар саанан ытыыга  үрүҥ көмүс уонна боруонса призера (Тайбей к., Тайвань, 2009).

Копытов Юрий Иванович — спорт үтүөлээх маастара, 1997 с. Копенгаген к. XVIII Сурдлимпийскай оонньуулар үрүҥ көмүс призера (Дания), 2001 с. Рим к. XIX Сурдлимпийскай ооньуулар үрүҥ көмүс призера (Италия), 2005 с.Мельбурн к. XX Сурдлимпийскай ооньуулар  греко-римскэй хапсаҕайга  боруонса призера (Австралия).

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением