Виктор Рассадин Европа чөмпүйэнээтигэр барыахтаах
Издательский дом Редакция Подписка
Погода в Якутске: . 11 oC

Красноярскайга Иван Ярыгин кэриэһигэр көҥүл тустууга норуоттар икки ардыларынааҕы турнирга биир дойдулаахтарбытыттан Виктор Рассадин ситиһиилээхтик тустан, бүтүн Саха сирин олохтоохторун сүрдээҕин үөртэ.

Красноярскайга Иван Ярыгин кэриэһигэр көҥүл тустууга норуоттар икки ардыларынааҕы турнирга биир дойдулаахтарбытыттан Виктор Рассадин ситиһиилээхтик тустан, бүтүн Саха сирин олохтоохторун сүрдээҕин үөртэ.

Арассыыйа спортивнай тустууга федерациятын, көҥүл тустууга хамаандатын салайааччылара бу турниры – Европа чөмпүйэнээтигэр хамаанданы сүүмэрдиир сыаллааҕын-соруктааҕын туһунан эрдэттэн эппиттэрэ. Уруккуттан даҕаны оннук этэ, бастаабыт бөҕөс Европа чөмпүйэнэтигэр барара.

Оттон Виктор Рассадин бастаабытыгар билигин араас этиилэр, кэпсэтиилэр үөскээтилэр. Сорохтор өссө: "Бу турнирга Касумов, Жербаев кыттыбатылар", -- диэн саарбахтыыллар. Кинилэр Красноярскайга тустубатахтара – Виктор буруйа буолбатах буоллаҕа дии. Этэргэ дылы, оҕус тириитэ иккистээн сүлүллүбэт!

- Мин санаабар, бу ситиһиитинэн В.Рассадин Европа чемпионатыгар кыттар быраабы ылла. Аны билигин хаалбыт кэмҥэ кини  чэгиэн-чэбдик сылдьан үөрэтэр-эрчийэр түмсүүлэргэ бэйэтин үчүгэй өттүттэн көрдөрөн, хамаанда састаабыгар бигэтик ылыллара эрэ хаалла.

Виктор сааһа 28-һа, норуоттар икки ардыларынааҕы кылаастаах спорт маастара. Болгарияҕа, Турцияҕа, Монголияҕа, Арменияҕа ыытыллыбыт норуоттар икки ардыларынааҕы турнирдарга бастаабыта. Арассыыйа сүүмэрдэммит хамаандатын састаабыгар киирэн,  аан дойду студеннарга чөмпүйэнээтин кыайыылааҕа, Алроса Кубогын чөмпүйүөнэ, аан дойду Кубогын хаһаайына. Арассыыйа чөмпүйэнээтин үс төгүллээх призера. Итинэн кини улахан түһүлгэҕэ тургутууну барбыт уонна ситиһиилэммит бөҕөс диэхпин баҕарабын.

Санатан эттэххэ, Красноярскайга, Иван Ярыгин турнирыгар Виктор Рассадин (70 кг) утуу-субуу Европа чөмпүйүөнэ Курбан Шираевы (Дагестан) 7:6, Азия чемпиона Талгат Сырбаһы (Казахстан) 12:1, Сибиир биир күүстээх бөҕөһө Усман Шихгиреевы (Красноярскай) 6:1  уонна финалга аан дойду Кубогын кыайыылааҕа, Арассыыйа чөмпүйэнээтин призёра Анзор Закуевы (КБР) 9:4 ахсаанынан эрэллээхтик кыайталаабыта.

Онон туох да санаата-оноото, ханнык даҕаны хонтуруоллуур хапсыһыыта суох Виктор Рассадин – Европа чөмпүйэнээтигэр кыттар Арассыыйа сүүмэрдэммит хамаандатын састаабыгар киириэхтээх дии саныыбын. Уонна ону оҥорон көрө-көрө күүркэтэ сатаан, араас тургутуулары үөскэтэр сыыһа диибин. Бэйэни сэнэнэр, намыһахтык сананар табыллыбат!

Петр Павлов.   

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением

Другие новости

Бэлиитикэ

Боччумнаах кэпсэтиилэр

Ил Дархан Айсен Николаев Арассыыйа Федерациятын Бырабыыталыстыбатын Бэрэссэдээтэлэ Михаил…
17.08.22 09:04
Уопсастыба

Өрөмүөн саҕаланна...

Атырдьах ыйын ортотуттан саҥа үөрэх дьылыгар, сайыҥҥы уоппуска кэнниттэн үлэҕэ тахсарга…
17.08.22 08:33