Тэрээһиҥҥэ федеральнай министиэристибэлэр уонна биэдэмистибэлэр бэрэстэбиитэллэрэ, эрэгийиэннээҕи былаастар уонна ИТ-эйгэ лиидэрдэрэ кыттыыны ылаллар.
«1 №-дээх Арассыыйа. Хайдах баҕа санаа туолуутун итэҕэйиэххэ уонна технологическай держава буолуохха» диэн пленарнай мунньах бүгүн, сэтинньи 25 күнүгэр, ыытыллыаҕа. Спикердэринэн РФ Сыыппара сайдыытын сибээс уонна маассабай коммуникация миниистирэ Максут Шадаев, РФ экэнэмиичэскэй сайдыыга миниистирэ Максим Решетников уонна Ил Дархан Айсен Николаев буолуохтара.
Тэрээһин дьыалабыай бырагыраамата үс хайысханан ыытыллар:
- «Технологическай держава»;
- «Сыыппара медиа»;
- «Көмпүүтэр оонньууларын таҥыы».
Пуорум иһинэн хас да сиэссийэ үлэлиир. Бырагыраамаҕа барыта 25 дьыалабыай тэрээһин киирдэ. Манна 100 спикер уонна модератор үлэлиир.
Ыалдьыт быһыытынан Уһук Илиннээҕи филиалын дириэктэрэ Андрей Карташов, «Гарда Технологии» хампаанньа салайааччыта Михаил Савельев, МФТИ ректора Дмитрий Ливанов, Томскайдааҕы судаарыстыбаннай университет ректора Эдуард Галажинскай уонна Kaspersky хампаанньа генеральнай дириэктэрэ Евгений Касперскай уо.д.а. кыттыахтара.
Пуорум саайта — https://digitaldiamond.tech
-
1
-
0
-
0
-
0
-
0
-
0
