Ити туһунан сокуоҥҥа бу сыл от ыйын 17 күнүгэр дойду Бэрэсидьиэнэ Владимир Путин илии баттаабыта, бу кэннэ балаҕан ыйын 2 күнүгэр чунуобунньуктар ханнык социальнай ситимнэргэ баар буолуохтаахтарын балаһыанньатын быһаарар РФ Бырабыыталыстыбатын дьаһала таҕыспыта. Клавиатураны ылан, Интэриниэт ситимигэр үлэлиир эбээһинэс губернатордартан саҕалаан, олохтоох салайыныы исписэлииһигэр тиийэ барыларын таарыйыаҕа. Сокуон ааптара, Госдумаҕа Информационнай бэлиитикэҕэ, информационнай технологияларга уонна сибээскэ кэмитиэт бэрэссэдээтэлэ Александр Хинштейн быһаарыытынан, саҥа ирдэбилинэн тэрилтэ сонуннары, салайааччы дакылаатын, этиитин, араас текстэри уонна видео этиилэри сырдатыахтаахтар, уопсастыба санаатын билээри ыйытыктары ыытыахтаах, аһаҕас былаас докумуоннарын оҥорон таһаарыахтаах.
-
1
-
0
-
0
-
0
-
0
-
0
