Былырыыҥҥыттан, 2020 сылтан, “Ампаардаах” хаһаайыстыба (сал. Симон Томскай) сэлиэһинэй бурдук үүннэриитигэр ылсыбыта. Ааспыт күһүн хаһаайыстыба 17 туонна бурдугу хомуйбута. Бүлүү улууһун дьаһалтатын уонна тыа хаһаайыстыбатын департаменын өйөбүллэринэн Барнаул куораттан Мельник-200 миэлиҥсэ кэлбитэ. Эргэ хочуолунайы сөргүтэн, өрөмүөннээн миэлиҥсэ сыаҕа оҥоһуллубута.
Оттон бу күннэргэ Барнаул куораттан Сергей Мошин диэн бурдук мэлийиитин технолога кэлэн миэлиҥсэни туруоран, олохтоохторго хайдах үлэлиирин көрдөрөн, быһааран барда. Ол түмүгэр аан бастакытын өрөспүүбүлүкэҕэ 1-кы суортаах сэлиэһинэй бурдук оҥоһулунна.
Олохтоохтор саҥа бурдуктан оҥоһуллубут лэппиэскэ, алаадьы уонна бэрэски олус ураты амтаннаахтарын уонна сыттыын-сымардыын атыннарын бэлиэтииллэр.
Ити курдук, 60 сыл буолан баран, Бүлүү улууһугар бурдук үүннэриитэ хаттаан сөргүйдэ. Оттон өрөспүүбүлүкэҕэ аан бастакытын үрдүк хаачыстыбалаах 1 суортаах сэлиэһинэй бурдук оҥоһулунна. Ити бурдук өҥ буордаах Чочу сиригэр үүннэ.
-
0
-
0
-
0
-
0
-
0
-
0
