Бэл диэтэр, саас суол-иис мөлтөҕүнэн сибээстээн, ыраах кустуу баралларыгар кытары атах тардысталлар. Убайдарбыт, аҕаларбыт кэпсиир буолаллара -- саамай эрдэтээҕи кыра хабыыналаах бөлөрүүс иһигэр уонча буолан симиллэн айанныылларын. Билиҥҥилэр онно холоотоххо, чыҥха атыттар -- хабыыналара киэҥнэр-куоҥнар, килэрийэн-халарыйан мааны көлөлөр. Бу тыраахтырдары сотору-сотору саҥардан иһэллэр. Ол курдук, быйыл саҥардыллыбыт МТЗ-82.3 тыраахтыр атыыга тахсара күүтүллэр.
Бу туһунан Саха сиригэр бөлөрүүстэри атыылыырынан күүскэ дьарыктанар урбаанньыт, норуот дьокутаата, биллэр-көстөр меценат Руслан Федотовтан ыйыталаспыппытыгар, «Бары өттүнэн абыраллаах тиэхиньикэни оҥордулар. Бэрт сотору кондиционердаах барыйаана тахсыахтаах. Ол эрээри, ити көлүөһэтин крылоларын былаастык гыммыттара Саха сирин тыатыгар, тымныытыгар тута алдьанара чуолкай. Арай, сыаната чэпчэки буолан, атыылаһарга кэбэҕэс буолуо. Саҥа моделы Минскэйдээҕи собуокка «уһаннылар». Бу сайын бастакы баартыйабытын Саха сиригэр аҕалыахпыт», -- диэн санаатын үллэһиннэ.
-
0
-
0
-
0
-
0
-
0
-
0
