Чөркөөххө суорумньу киэһэтэ бэркэ ааста
Издательский дом Редакция Подписка
Погода в Якутске: . -0 oC

От ыйын 9 күнүгэр Таатта Чөркөөҕөр ыытыллыбыт суорумньу киэһэтигэр өрөспүүбүлүкэ сэттэ улууһуттан 100-чэкэ кэрэ уонна күүстээх аҥаардар кэлэн кыттыыны ыллылар.

От ыйын 9 күнүгэр Таатта Чөркөөҕөр ыытыллыбыт суорумньу киэһэтигэр өрөспүүбүлүкэ сэттэ улууһуттан 100-чэкэ кэрэ уонна күүстээх аҥаардар кэлэн кыттыыны ыллылар.

Суорумньуһуттар: куораттан Маргарита Неустроева, Чурапчыттан Лена Шадрина, Ирина Оконешникова, Тааттаттан Надежда Яковлева кэлэннэр, дьону кытары үлэлэстилэр, арыый эрдэ кэлбиттэргэ мусуойу көрдөрдүлэр. Тэрээһин саҕаланыытыгар олохтоох дьаһалта баһылыгын солбуйааччы Александра Вырдылина уонна бэтэрээннэр түмсүүлэрин салайааччы Елена Филатова ыраахтан-чугастан кэлбит ыалдьыттары алаадьынан айах тутан, сахалыы алгыс тылын этэн көрүстүлэр. Минньигэс, сылаас астаах буфеты үлэлэттилэр.

Инньэ гынан,  дьон санаата кэлэн, биэчэр саҕаланыаҕыттан бүтүөр диэри бэйэ-бэйэлэрин кытары билсиһэн, үөрэ-көтө үҥкүүлээн (диджей Михаил), оонньоон (ыытааччы Лилиана), ыллаан-туойан көхтөөхтүк сынньаннылар.

Көрсүһүү түмүгэр аҕыйаҕа суох паара булсан, салгыы билсэргэ болдьоһон, тэрийээччилэргэ уонна суорумньуһуттарга бэркэ махтанан тарҕастылар. Онон өрөспүүбүлүкэ таһымнаах «Кыталык» суорумньу кулууба (салайааччы Алексей Шеломов) олохтоох дьаһалта дьон туһугар кыһалларын бэлиэтээн туран, махталын биллэрэр.

  • 9
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением

Другие новости

Политика

Махтанарын үөрэ истибитим

Быыбардар буолан аастылар. Астыммыт уонна астымматах, сөхпүт, соһуйбут да баар. Владимир…
26.09.22 13:05