– Элбэх оҕолоох ыалларга социальнай өйөбүл дьаһалларын тупсарыы Уһук Илин демографическай бэлиитикэтин чорботор соруга уонна «Биир ньыгыл Арассыыйа» баартыйа норуоднай бырагырааматын быстыспат сорҕото буолар. Арассыыйа Федерациятын Бэрэсидьиэнин сорудаҕынан, 2024 сылтан Уһук Илин аҕыс эрэгийиэнигэр элбэх оҕолоох ыалларга социальнай өйөбүл ураты дьаһалларын быһыытынан, үһүс эбэтэр онтон кэлэр оҕо төрөөтөҕүнэ, ипотека иэһин сабарга биир мөлүйүөн солкуобай харчы бэриллэр, -- Ирина Яровая.
Кини этэринэн, социальнай өйөбүл бу көрүҥэр дьон олус наадыйар: Камчаатка, Приморье, Хабаровскай кыраайдартан, Амуур, Магадаан, Еврей аптаныамынай, Сахалиин уобаластарыттан биэс тыһыынча кэриҥэ ыал ылан туһаммыт.
– Бу бырагыраама үлэлиир эрэгийиэннэригэр үһүс оҕо төрөөһүнэ элбээтэ, ол түмүгэр билигин Уһук Илиҥҥи федеральнай уокурук үһүс, төрдүс оҕо төрөөһүнүгэр иккис миэстэни ылар, – диэтэ Судаарыстыбаннай Дуума вице-спикерэ.
Ил Түмэн дьокутаата, «Биир ньыгыл Арассыыйа» баартыйа «Бөҕө дьиэ кэргэн» бырайыагын сүрүннээччи Афанасий Постников:
– Элбэх оҕолоох ыаллары өйөөһүн – судаарыстыба туруктаах сайдыытын акылаата буолар. Маннык көҕүлээһиннэр нэһилиэнньэ ахсаана эбиллэригэр тирэх буолаллар, судаарыстыба дьиэ кэргэҥҥэ кыһамньытын көрдөрөллөр. Үтүө түмүктэр номнуо көстөн эрэллэр: оҕо төрөөһүнүн коэффициенэ үрдээн, бырагырааманы биһирээччи элбээн иһэр. Биһиги сорупут – дьоллоохтук олоруохтарын баҕарар ыалларга Уһук Илини абылаҥнаах оҥоруу.
Бу туһунан Ил Түмэн пресс-киинэ суруйар.
Хаартыска: Ил Түмэн саайта.
-
0
-
0
-
0
-
0
-
0
-
0
