Быһаччы этэбин, улаханнык абыранным. Сааһырбыт дьоннору биир сиргэ сытыаран эрэ быраастары аҕаланнар көрдөрөллөр, эмтииллэр. Кардиолог, ЛОР, окулист, невролог кэлэннэр көрдүлэр. УЗИ-га түһэрдилэр. Илбииһит үрдүттэн олорон күнү быһа үлэлээтэ. Биһиги сүүрбэ буолан сыттыбыт. Эдэрдэрбит саас ортолоохтор, саамай саастаахтарбыт: Абыйтан сылдьар 90-угар чугаһаабыт, 60 сыл бииргэ олорбут Арассыыйа уонна Саха Өрөспүүбүлүкэтин үтүөлээх учууталлара Неустроевтар диэннэр.
«Көхтөөх олох – уһун үйэлэнии төрдө» диэн бырагырааманан хас күн ахсын араас тэрээһин толору: экскурсия (Орто дойду зоопарка, «Оһуохай» уопсастыба үбүлүөйдээх тэрээһинэ, куорат пааркатыгар сынньлаҥ, «Улуу Тоҕойго» гастроль, о.д.а.) Үлэһиттэр олус элэккэйдэр, үрдүк таһымнаах, идэтийбит исписэлиистэр. Мин курдук сааһырбыт дьон манна көрдөрүнэллэрэ, эмтэнэллэрэ олус табыгастаах эбит диэн түмүккэ кэллим.
Этии быһыытынан манныктары бэлиэтиэххэ сөп. Сааһырбыт дьоннор эдэр саастара баян нуурал тыаһынан доҕуһуолланан аастаҕа. Баян тыаһын иһиттэллэр эрэ, сирэйдэрэ-харахтара сырдыы түһэр, тэрилтэбит бас билэр баяннааҕа буоллар үҥкүүлүө, ыллыа этибит дэһэллэрин киһи өйдүүр. Кинилэр эдэр саастарыгар кылаас ахсын баянист оҕолор бааллара. «Кыһыл отуу», «Кыһыл муннук» баяна, хормуоската суох табыллыбата. Онон хас сезон ахсын баянист баара ордук буолуо эбит.
Иккиһинэн, аан дойду ииригирэн турар кэмэ, ол тэҥэ муунтуйуу, сарсынҥыга эрэли сүтэрии тахсарын омнуолуур сыыһа буолуо. Маннык түгэнҥэ «Уйбаныап лиэктэр» (кырдьаҕастар тыллара) курдук дьоннор аан дойду балаһыанньатын туһунан сэһэргээн, кэпсэтэн ааһаллара наада.
Үсүһүнэн өрөспүүбүлүкэ эдэр бэлиитиктэрин, холобур, куорат баһылыга Евгений Григорьев, Ойуур Байбал о.д.а. кытары көрсөн, кинилэр тылларын-өстөрүн истиэхтэрин баҕараллара кэмнээх буолуо дуо?
Роман Богатырев, Таатта
-
4
-
0
-
0
-
0
-
0
-
0
