Ол курдук, уулуссалар, дьон сылдьар сирдэрэ, автобустар, оҕо оонньуур былаһааккалара, элбэх кыбартыыралаах дьиэлэр подъезтара санитарнай ыраастааһыны ааһыахтаахтар. Дьон сылдьар тротуардарын анал суурадаһынан, уулуссалар дихлоризоциануровай кислотаалаах суурадаһынан ыстарылаллар. Ыраастааһын үлэтигэр 6 биригээдэ тардыллыбыт. Биригээдэҕэ суоппар, салайааччы уонна икки суурадаһынан ыраастааччылар бааллар. Маны таһынан водовозкалар сүүрэллэр, биригээдэлэргэ анал суурадаһыны тиксэрэллэр. Бу күннэргэ биригээдэлэр Ленин проспегар, Дзержинскай, Лермонтов, Петр Алексеев уулуссаларга үлэлии сылдьаллар. Сарсын Ойуунскай, Петровскай, Богатырев, Кулаковскай уулуссаларын ыстарыахтара. Былаан быһыытынан 131 728 кв. м. иэн тротуары дезинфекциялыахтаахтар. Сарсын, бэс ыйын 7 күнүгэр Дьокуускай куорат киин сынньалаҥ пааркатын ыраастыахтара. Мантан инньэ паарканы хас күн аайы ыраастыыр буолуохтара диэн СӨ бырабыыталыстыбатын пресс-сулууспата иһитиннэрэр.
-
0
-
0
-
0
-
0
-
0
-
0
