Издательский дом Редакция Подписка
Погода в Якутске: . -6 oC

Ил Түмэн вице-спикерэ Антонина Григорьева парламент аатыттан научнай-практическай кэмпириэнсийэ тэрийээччилэрин уонна кыттааччыларын эҕэрдэлээтэ.

Ил Түмэн вице-спикерэ Антонина Григорьева парламент аатыттан научнай-практическай кэмпириэнсийэ тэрийээччилэрин уонна кыттааччыларын эҕэрдэлээтэ.

«Бүгүн М. К. Аммосов аатынан Хотугулуу-Илиҥҥи федеральнай университет естественнэй наукаларын институтугар  Иван Лаврентьевич Кондаков аатыгар өйдөбүнньүк дуосканы арыйбыппыт, оттон билигин химияны үөрэтиигэ оскуола лидердэригэр уонна устудьуоннарга научнай-практическай кэмпириэнсийэҕэ сырыттыбыт. Дьиктитэ, тыа нэһилиэгиттэн, ыраах Хотугу сиртэн Иван Лаврентьевич Кондаков курдук аан дойдуга ааттаах-суоллаах учуонай үүнэн-сайдан тахсыбыта. Тоҕо диэтэххэ, Николай Гаврилович Чернышевскай саҕаттан Бүлүү сирэ былыр-былыргыттан билиҥҥэ диэри үөрэҕирии биһигэ буолар. Билигин даҕаны Бүлүү улууһугар уонна өрөспүүбүлүкэҕэ үөрэхтээһин сайдыытыгар улахан болҕомто ууруллар», - диэн научнай-практическай конференция аһыллыытыгар Антонина Афанасьевна эттэ.

13

«Соторутааҕыта үөрэх ситимин салалтатын хаачыстыбатын федеральнай таһымнаах кэтээн көрүүтэ буолан ааспыта. Ол иһигэр Бүлүү улууһа 100% толордо уонна тестирование ааста. Түгэнинэн туһанан, Бүлүү куоратын төрүттээбит улуу учуонай, каучук бастакы арыйааччытын аатын үйэтитиигэ педагогическай уопсастыбаҕа махталбын тиэрдэбин. Оройуоҥҥа химия уо.д.а. араас куонкурустар ыытыллаллар, кини аатынан химия уонна биология үөрэтии хаачыстыбатын үрдэтиигэ ураты оруоллаах айылҕа биридимиэтин учууталларын аһаҕас уруоктарын «Хрустальная ветвь» идэлээх куонкуруһа ыытыллар. Бу барыта химиктар, биологтар, технологтар, доруобуйа харыстабылын үлэһиттэрин бэлэмнээһиҥҥэ ураты суолталаах», - диэн Антонина Григорьева бэлиэтээтэ.

Иван Лаврентьевич Кондаков 1857 сыллаахха Бүлүүгэ хаһаах дьиэ кэргэнигэр төрөөбүтэ. Дьокуускайдааҕы эр киһи прогимназиятын бүтэрэн, Красноярскай губерния гимназиятын, Санкт-Петербург университетын бүтэрэн, Варшава, Тартус университеттарыгар үлэлээбитэ. Сүрүн арыйыыта  -1900 сыллаахха синтетическэй каучук булуллубута.

Кини научнай арыйыытынан, билигин каучук көмөтүнэн, аныгы матырыйааллар, таҥас-сап, космическай тиэхиникэҕэ тиийэ, оҥоһуллаллар. Космическай хараабыллар кытаанах каучуктан уматыгы туһаналлар. Кини арыйыыта химическэй бырамыысыланнаһы эрэ буолбакка, атын технологиялары эмиэ күүскэ сайыннарарга көмөлөспүтэ.

«Ниэп уонна гаас кыһалҕаларын институтун дириэктэрэ Марина Дмитриевна Соколова салайааччылаах саха учуонайдара 55 кыраадыстан намыһах тымныыны тулуйар, Саха Сирин усулуобуйатыгар олус наадалаах,тымныыга уйуктаах технологиялары оҥороллор. Каучук аныгы усулуобуйаҕа киэҥник туһаныллар. Мээнэҕэ каучук «Золушка» диэн ааттаммат - атын матырыйааллар кыайбат ыарахан үлэлэрин толорор. Учуонай-химик Иван Лаврентьевич Кондаковка холобурдаан, СӨ наукатын Академиятын академига, Бүлүү оройуонун бочуоттаах гражданина Анатолий Николаевич Алексеев салайааччылаах биллиилээх учуонайдар таҕыстылар. Билигин, судургута суох кэмҥэ, дойду химия уобалаһыгар инники күөҥҥэ сылдьар, бастакы арыйыылары Иван Лаврентьевич Кондаков оҥорбута», - диэн Ил Түмэн бэрэссэдээтэлин солбуйааччы Антонина Григорьева этиитин түмүктээтэ.

Тэрээһин «Арассыыйа-мин историям» историческай-мультимедийнай пааркаҕа буолла. Иван Лаврентьевич Кондаковка аналлаах научнай-практическай кэмипириэнсийэҕэ  Л.В. Кондаков аатынан Бүлүү гимназиятын учуонайдара, историктар уонна архыып үлэһиттэрэ кыттыннылар.

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением