Билиҥҥи туругунан Сунтаар уонна Мииринэй улуустар кыраныыссаларыгар тутуллар Аччыгый Ботуобуйа үрэх нөҥүө муоста 70% бэлэм. Муоста түөрт тирээбилэ туруоруллубут, ол икки ардыларынааҕы сооружение ууруллубут. Муоста уһуна киирии суолу кытта аахтахха 2,71 км. буолар.
Үөһээ Бүлүүттэн Ньурба улууһугар киириигэ сытар Түүкээн үрэххэ муоста тутуутун үрэх анараа өттүгэр сытар нэһилиэнньэлээх пууннар олохтоохторо бары долгуйа кэтэһэллэр. Сылын аайы быстахха тэлгэтэр муосталары кэтэһэн дьон кыһалҕаны көрсөөччү. Билигин Түүкээн муостатын иккис уонна үһүс тирээбиллэрин икки ардыларынааҕы пролет оҥоһуллубут. Төрдүс тирээбили бетоннааһын үлэтэ барар. Муоста уһунан киирии суолу кытта 4 км. буолар.
Бу сыл төрдүс кыбаарталыгар муосталар үлэҕэ киириэхтэрэ, дьон сылы төгүрүччү бу муосталарынан айанныахтара диэн биэдэмэстибэ пресс-сулууспата иһитиннэрэр. Муоста тутуута «Комплексный план модернизации и расширения магистральной инфраструктуры» национальнай бырайыагынан тутуллар.
-
0
-
0
-
0
-
0
-
0
-
0
