Ол курдук, Алдан, Нам оройуоннарыгар үстүү киһи, Амма, Үөһээ Бүлүү, Ньурба уонна Мииринэй улуустарыгар биирдии киһи ыалдьыбыт. Дьокуускай куоракка 60 киһи сыстыбыта биллибит.
Ааспыт күн иһигэр Саха сиригэр коронавирус ыарыыны булааһыҥҥа 4000 тест оҥоһуллубут. Маннык тестар ыалдьыбыт киһиэхэ дьаҥ күүскэ киирэ илигинэ уонна биллэрбэккэ ыалдьа сылдьарын быһаарарга көмөлөһөллөр. “Билиҥҥи туругунан 1500 киһи эмтэнэр – 800 киһи балыыһаҕа сытан, 700 киһи дьиэтигэр олорон. Бу көрдөрүүттэн 23% оҕолор. Оҕолор бу ыарыыны биллэрбэккэ аһарыахтарын сөп, он таһынан кинилэр ыарыыны тарҕатааччыларынан буолуохтарын сөп”, -- диэн Айсен Николаев эттэ.
Ил Дархан сайыҥҥы сынньалаҥ саҕаламмытынан оҕолор тыа сиригэр баралларын бэлиэтээтэ. Кини Доруобуйа харыстабылын министиэристибэтигэр муниципальнай тэриллии баһылыктарын кытта сынньалаҥҥа тиийбит оҕолору 14 күн кэтиир миэрэни оҥороллоругар сорудах биэрдэ.
-
0
-
0
-
0
-
0
-
0
-
0
