Кулун тутар 2 күнүгэр биэс хайысханан ийэлэр аныгы кэмҥэ дьахтар оруолун ырыттылар, араас бырайыактары бэлэмнээтилэр.
Үлэ уонна социальнай сайдыы миниистирэ Елена Волкова өрөспүүбүлүкэ саамай ыраах улуустарыгар тиийэ ийэлэр кыттыыны ылбыттарыгар махтанна. Бүгүҥҥэ күҥҥэ дьахталлар экэниэмикэ араас эйгэтигэр үлэлииллэрин бэлиэтээн туран, бу сугулааҥҥа 2023-2030 сылларга дьахталлар интэриэстэригэр ылыллыбыт национальнай стратегия тула кэпсэтии тахсарыгар, үлэ торумнанарыгар баҕарда.
“Саха Сиригэр дьахталлар уопсастыбаннай тэрилтэлэрин сойууһа, “Дьүөгэлэр”, “Арассыыйа ийэлэрэ” курдук бастыҥ уопсастыбаннай хамсааһыннар бааллар. Былырыын Ийэ сылын тэрээһиннэригэр бу уопсастыбаннай тэрилтэлэр ийэ оруолун үрдэтиигэ көхтөөх үлэни ыыттылар уонна күн бүгүн эмиэ кэскиллээх бырайыактары олоххо киллэриигэ кинилэр инники күөҥҥэ сылдьаллар”, — диэн эттэ.
Дэлэгээттэр бүгүн, кулун тутар 3 күнүгэр, А.Е. Кулаковскай-Өксөкүлээх Өлөксөй аатынан Норуоттар доҕордоһууларын дьиэтигэр Ийэ дойдуга бэриниилээх буолууга туһуламмыт санаа атастаһыытын былаһааккатыгар үлэлээтилэр. Тэрээһин пленарнай мунньаҕынан түмүктэннэ.
-
0
-
0
-
0
-
0
-
0
-
0
