Маны олоххо киллэрэр инниттэн РФ Олорор дьиэ кодексатыгар уонна «Гражданнар доруобуйаларын төрүтүн туһунан” сокуоҥҥа сөптөөх уларытыы киириэхтээх диэн ити боппуруоһу көрөр мунньахха быһаарбыттар. «Тыа сиригэр, оробуочай бөһүөлэктэргэ, 50 тыһ. кэриҥэ нэһилиэнньэлээх куораттарга 15 сыл кэриҥэ үлэлээбит быраастар муниципальнай дьиэлэри бэйэлэрин бас билиилэригэр ылыахтаахтарын туһунан этиини киллэрбиппит. Итини тэҥэ, медиктэр оҕолоро оҕо саадыгар уочарата суох киириэхтээхтэрин хааччыйыахтаахпыт», -- диэн «Биир ньыгыл Арассыыйа» баартыйа генеральнай Сэбиэтин сэкиритээрэ Андрей Турчак быһааран биэрэр. «Дьиэни бас билиигэ биэрии (приватизация), биллэн турар, сөптөөх этии. Бу этии хайаан да өйөнүллүөхтээх. Итини сэргэ, медиктэр оҕолоро оҕо саадыгар уочарата суох киириэхтээхтэр диэн этии эмиэ саамай сөп. «Биир ньыгыл Арассыыйа” баартыйа өрүү маннык хабааннаах этиилэри киллэрэрэ махталлаах дьыала”, -- диэн РФ доруобуйаҕа харыстабылын миниистирэ Михаил Мурашко cүрүн баартыйа этиитин өйүүрүн биллэрдэ. Тустаах баартыйа коронавирус дьаҥын кэмигэр усунуостан уонна араас хабааннаах аахсыйалары ыытан, 500 мөл. солк. хомуйбутунан медиктэргэ мааскалар, бэрчээккэлэр, анал харыстыыр көстүүмнэр ылыллыбыттар. Итини тэҥэ, 200 массыына атыылаһыллан регионнарга тарҕатыллыбыт.
-
0
-
0
-
0
-
0
-
0
-
0
