Амма улууһугар коронавирус дьаҥа тарҕанан эрэринэн сибээстээн, Амма өрүскэ күүлэйдии барар бу күннэртэн кытаанах хонтуруолга ылылынна. Ити эргин дьону сынньатар, күүлэйдэтэр туристическэй тэрилтэлэр, базалар сабылыннылар. Бу туһунан улуус баһылыга Николай Архипов: «Бу күннэргэ коронавирус дьаҥа лаппа биллэн эрэр буолан, сөптөөх дьаһалы ыларга быһаарынныбыт. Ол курдук, атын сиртэн Аммаҕа кэлбит дьон дьиэҕэ олоруу эрэсиимин тутуспат түгэннэригэр миэрэҕэ ыларга диэн быһаарынныбыт. Ил Дархан быһаарыытынан дьиэҕэ олоруу эрэсиимин тутуһуу, бопсуу туһунан анал уураах кулун тутар 17 күнүгэр тахсыбытын бары бэркэ диэн билэбит», - диэн эппит. Онон Амма улууһугар сөптөөх төрүөтэ, биричиинэтэ суох тиийэртэн туттунаргытыгар улуустааҕы суһал ыстаап иһитиннэрэр. Улуустааҕы полиция бу маны кытаанах хонтуруолга ылан үлэни күүһүрдэн эрэрэ биллэр. Бу сөптөөх дьаһал буоларын Саха сирин олохтоохторо өйдүөхпүтүн наада. Амма өрүскэ сынньанабыт диэн элбэх киһи тиийэр,мунньустар түгэнигэр ыарыы өрө туран кэбиһиэн сөп.
- 0
- 0
- 0
- 0
- 0
- 0