Биэдэмистибэҕэ бэлиэтээбиттэринэн, 68 исписэлиистэн турар Катастрофа мэдиссиинэтин өрөспүүбүлүкэтээҕи киинин 10 анал мэдиссиинэ көмөтүн биригээдэтэ баар.
Мэдиссиинэнэн хааччыллыы элбэх таһымнаах тиһигинэн тэриллэр. Бастакы эшалоҥҥа 213 анал биригээдэ киирсэр (852 исписэлиис), 331 быраас-сиэстирэ биригээдэтэ (993 киһи) уонна 294 быраас иннинээҕи биригээдэ (882 үлэһит). Иккис эшелоҥҥа үс суһал биригээдэ баар. Суһал биригээдэлэр балаакканан уонна автономнай оборудованиянан, итиэннэ массыына базатыгар мобильнай бэрэбээскэлиир пуунунан хааччыллыылаахтар. Ону таһынан, быһылаан тахсыбыт сиригэр суһаллык көтөргө санитарнай авиация сэттэ филиала эмиэ бэлэм.
Ууга барар кутталлаах нэһилиэктэргэ баар мэдиссиинэ тэрилтэлэрэ кэбирэх туруктаах олохтоохторун туһунан сибидиэнньэлэри саҥартылар. Минздрав дааннайынан, 1 763 хамсаналларыгар кэһиллиилээх (маломобильный) кырасданыын, 770 хат дьахтар уонна 1 449 биир сааһыгар диэри кыра оҕо баара биллэр.
Санатан эттэххэ, 2024 сыл сааһыгар өрөспүүбүлүкэҕэ федеральнай таһымнаах ыксаллаах быһыы-майгы эрэсиимэ биллэриллибитэ. Алдьатыылаах халаан уута эрэгийиэн сэттэ оройуонугар 1,9 тыһыынчаттан тахса эбийиэги эчэппитэ. Халаан уутуттан 28 нэһилиэнньэлээх пуун эмсэҕэлээбитэ, ол иһигэр Анаабыр, Үөһээ Бүлүү, Нам, Ньурба, Өймөкөөн, Өлүөхүмэ уонна Уус-Майа улуустара. Эмсэҕэлээбит киһи уопсай ахсаана 3,8 тыһыынчаттан тахсыбыта.
Иһитиннэрии уонна хаартыска: Саха Өрөспүүбүлүкэтин Ил Дарханын уонна Бырабыыталыстыбатын пресс-сулууспата
-
0
-
0
-
0
-
0
-
0
-
0
