Саха Өрөспүүбүлүкэтин баһылыга үлэһиттэри кытта көрсөн кэпсэттэ, үлэ хаамыытын кытта билистэ, Саха Сирин байыастарыгар көмө тиһигин быспакка кэлэрин көрдө диэн Саха Өрөспүүбүлүкэтин Ил Дарханын уонна Бырабыыталыстыбатын дьаһалтатын пресс-сулууспата иһитиннэрэр.
Донецкай өрөспүүбүлкэҕэ баар тирэх пуун начаалынньыга, Саха Өрөспүүбүлүкэтин экологияҕа миниистирин бастакы солбуйааччы Дьулустан Хон үлэ туһунан Ил Дархаҥҥа кэпсээтэ. Күн аайы мантан экипажтар фронт бары хайысхаларынан наадалаах малы-салы тиэрдэ айанныыллар.
«Тирэх пуун бэйэтин соруктарын толорор. Саха Сирин байыастарын аатыттан Айсен Николаевка, өрөспүүбүлүкэ салалтатыгар көмөҕүт уонна өйөбүлгүт иһин махтанабыт. Төрөөбүт дойдубутуттан көмө быыстала суох кэлэр», — диэн Хон иһитиннэрдэ.
Хаартыска Sakha.gov.ru
-
0
-
0
-
0
-
0
-
0
-
0
