Агробырамыысыланнас салаатыгар үлэ-хамнас тэриниэхтэрин баҕарар дьону тустаах биридимиэттэргэ, тыа хаһаайыстыбатын экэниэмикэтигэр уо.д.а. үөрэтэргэ анаммыт федеральнай бырагырааманы Арассыыйа Федерациятын Тыатын хаһаайыстыбатын министиэристибэтин өйөбүлүнэн, «Россельхозбаан» аахсыйалаах уопсастыба 2020 сылтан саҕалаан үлэлиир. Бу бырагыраамаҕа АГАТУ үһүс сылын үлэлиир. Быйылгы үөрэх дьылыгар Анал байыаннай дьайыы бэтэрээннэригэр кубуота көрүллэн, алта бэтэрээн ылыллан, үөрэхтэрин саҕалаатылар.
-- Мин бэйэм учууталбын, ол эрээри, төрөппүттэрим хаһаайыстыбалаахтар, ону сайыннарыахпын баҕаран, «Пиэрмэр оскуолатыгар» үөрэнэ киирдим, – диир Анал байыаннай дьайыы бэтэрээнэ Николай Петров.
«Пиэрмэр оскуолатын» кууруһа икки аҥаар ыйдаах, ол эбэтэр 250 академическай чаастаах. Лиэксийэлэри АГАТУ преподавателлара, «Россельхозбаан» АУо Саха Сиринээҕи салаатын исписэлиистэрэ уонна ыҥырыллыбыт эспиэрдэр ааҕаллар. Курсааннар аудиторияҕа үөрэҕи таһынан, өөрспүүбүлүкэ бастыҥ үлэлээх хаһаайыстыбаларыгар уонна пиэрмэрдэригэр быраактыкаланаллар. Куурус түмүгүнэн, биисинэс-бырайыактарын көмүскүүллэр диэн Тыа хаһаайыстыбатын уонна ас-үөл бэлиитикэтин министиэристибэтэ иһитиннэрэр.
Хаартыска: Тыа хаһаайыстыбатын уонна ас-үөл бэлиитикэтин министиэристибэтин саайта.
-
0
-
0
-
0
-
0
-
0
-
0
