“Биһиги нэһилиэкпитигэр быйыл алтынньы ый 25 күнүгэр олохтоох сэбиэппит дьокутааттарын талыахпыт. Уопсайа 15 дьокутаат быыбарданыахтаах. Быыбардыыр бүлэтиэҥҥэ 19 хандьыдаат киирбитэ. Манна саҥа да дьон, үлэлии да сылдьар дьокутааттар бааллар. Учаастактааҕы быыбардыыр хамыыһыйабыт алтынньы 17 күнүттэн болдьоҕун иннинэ быыбары саҕалаабыта. Ол курдук быыбар күн атын сиргэ баар буолар дьон, сайабылыанньа биэрэн эрдэ куоластыыллар. Бүгүҥҥү күн туругунан түөрт киһи оннук куоластаата. Чуолкайдаммыт испииһэгинэн нэһилиэккэ 856  быыбардааччы баар. Дьокутааттар оруоллара билигин  үрдээтэ. Онон быыбардааччылар бэйэтэ сыаналаан, санаата сытар, үлэлиэҕэ диэн эрэнэр, итэҕэйэр киһилэригэр куоластыахтара. Нэһилиэк олохтоохторун бука бары көхтөөхтүк кыттыахтара диэн эрэнэбит. ”, — диэн 51№-дээх Бөтүҥнээҕи быыбардыыр учаастак бэрэссэдээтэлэ Артур Алексеев сырдатар.

Хаартыска “Амма олоҕо” хаһыат телеграмм-ханаалыттан