ЛДПР Бүтүн Арассыыйатааҕы сүлүөтүгэр дойду бары эрэгийиэннэриттэн 400 киһи кыттыбыт. Ааспыт үлэ түмүктэрин туһунан кэпсэппиттэр, саҥа соруктары быһаарбыттар.
Ааспыт быыбарга баартыйа туһатыгар 1,7 мөлүйүөн кэриҥэ киһи куоластаабытын туһунан ЛДПР бэрэссэдээтэлэ Леонид Слуцкай бэлиэтээбит. Ити дьон баартыйаҕа эрэлэ күүһүрэн иһэрин итиэннэ үлэ сөпкө ыытылларын, дьоҥҥо биһирэтэрин кэрэһилиир диэбит.
– Баартыйа дьон интэриэһин билэрин итиэннэ онно чопчу дьыалаларынан хардарарын сүлүөт өссө төгүл көрдөрдө. Биһиэхэ, Саха Сирин олохтоохторугар, Леонид Эдуардович эппит хайысхалара бары улахан суолталаахтар. Ол – олох-дьаһах хомунаалынай хаһаайыстыбата, Анал байыаннай дьыала кыттыылаахтарыгар уонна кинилэр дьиэ кэргэттэригэр көмөлөһүү итиэннэ хотугу териториялары сайыннарыы. Эрэгийиэннээҕи салаа үлэтэ дьон эрэннэриини эрэ истибэккэ, дьиҥ түмүгү көрөрүн туһугар тэриллиэҕэ. Биһиги сүлүөккэ этиллибит сорудахтарынан үлэни саҕалаатыбыт уонна миэстэҕэ олор толоруллалларын ситиһиэхпит, – диэн Гаврил Парахин эппитин ЛДПР баартыйа МАХ ханаалга суруйар.
Хаартыска: ЛДПР баартыйа МАХ ханаалыттан
-
1
-
0
-
0
-
0
-
0
-
0
