Бэрдьигэстээх олохтооҕо Татьяна Тымырованы кытта тус көрсүһүүгэ олорор дьиэбин хайдах гынан гостиница үлэлэтэбин, туох, ханнык нолуок төлүүбүн диэн ыйытыыбар олус үчүгэйдик быһаарда диэн махтанна. Бэлиэтээн эттэххэ, ордук тыа хаһаайыстыбатынан дьарыктанааччыларга элбэх ыйытыы баар эбит. Нолуокка, үүт харчыта кэмигэр кэлбэтэ, оттуур ходуһаны оҥостууга тус ыйытыылар киирдилэр.
Салгыы "Төгүрүк остуолга" мустан куйаар ситиминэн Бурятияҕа туризм хайысхатынан үлэлиир урбаанньыттары кытта санаа, уопут атастастастылар. Бурятия туроператора Ольга Буинова "Поющая стрела" диэн бараан иитэр хаһаайыстыба үлэтин сырдаппытын сэҥээрэ иһиттилэр. Салгыы СӨ Тыатын хаһаайыстыбатын уонна аска-үөлгэ политикатын министиэристибэтиттэн субсидия, көмө, грант туһунан сиһилии сырдаттылар. Миниистири солбуйааччы Мария Карпова федеральнай суолга туризм, турмаршрут, сервис сайдыытын тула санаатын эттэ.
Бу иннинэ ыалдьыттар Мытаахха сылдьан "Быйаҥнаах" агротуризм базатыгар, Чемезовтары кытта көрүстүлэр. Санатар буоллахха, Снежана, Руслан Чемезовтар федеральнай бырайыак кыайыылахтара буолан, грант көмөтүнэн "Быйаҥнаахха" эбии база эбийиэктэрин үлэҕэ киллэрдилэр. Онон норуот депутаттарыгар Алексей Корниловка, Нюргуяна Заморщиковаҕа, Татьяна Тымыроваҕа, Василий Николаевка, ону тэҥэ "ЯкутияТрип" туроператорыгар Лилия Винокуроваҕа маннык сылдьан норуоту кытта көрсөн, хайдах олороллорун, туох кыһалҕалаахтарын билсибиттэригэр олохтоохтор ис санааларыттан махтаннылар.
"Үлэ күүһэ" Горнай улууһун хаһыатыттан Ил Түмэн пресс-сулууспата.
Хаартыскалар Ил Түмэн пресс-сулууспатыттан.
-
0
-
0
-
0
-
0
-
0
-
0
