“Мин билэрбинэн, Сыыппараны сайыннарыы, сибээс уонна маассабай коммуникация министиэристибэтин тутулун сарбыйыы боппуруоһун билигин бырабыыталыстыбаҕа дьүүллэһэ сылдьаллар, сотору быһаараллара буолуо, -- диир Хинштейн. -- Министиэристибэни бэйэтин таһынан икки агентство уонна биир сулууспа бааллар. Балартан сулууспаны (Роскомнадзору) сарбыйар сатаммат. Оттон Росбэчээт уонна Россибээс инники дьылҕаларын бырабыыталыстыба быһаарыа”.
Дьокутаат итилэри сарбыйары өйүүрүн эбэтэр сөбүлээбэтин аһаҕастык биллэрбэт. Бырабыыталыстыба бэрэссэдээтэлэ Михаил Мишустин бэнидиэнньиккэ солбуйааччыларын кытта мунньахтыырыгар үүнэр сыл тохсунньу 1 күнүттэн судаарыстыба сулууспалаахтарын штаттарын сарбыйар үлэни тэтимнээхтик ыытан, муус устар 1 күнүгэр диэри түмүктүүргэ ыйыы-кэрдии биэрдэ. Бырабыыталыстыба баһылыга этэринэн, бары министиэристибэлэр уонна биэдэмэстибэлэр, итилэр эрэгийиэннэрдээҕи салаалара үөһэттэн ыйыллыбыт стандарка сөп түбэһиэхтээхтэр. Кинилэр тутуллара бүттүүн биэдэмэстибэ ахсааныттан тутулуктаах буолуоҕа. Холобур, киин аппарааттарга вакансия 20 бырыһыана тиксэр, онон штат 5 бырыһыан сарбыллыахтаах. Федеральнай министиэристибэлэр уонна биэдэмэстибэлэр салайааччылара тутулларын уонна штаттарын сарбыйар туһунан этиилэри бырабыыталыстыбаҕа уонна Үп министиэристибэтигэр сэтинньи 20 күнүгэр диэри киллэриэхтээхтэр.
-
0
-
0
-
0
-
0
-
0
-
0
