Одькх реформатын пуондата Саха өрөспүүбүлүкэтигэр хаарбах уонна саахалланар туруктаах дьиэттэн көһөрүү бырагырааматыгар өссө эбии 2 млрд солк. көрбүт. Ол туһунан Ил Дархан Айсен Николаев социальнай ситиминэн иһитиннэрбит. Кини бу күннэргэ Жатай бөһүөлэгэр бырагырааманан тутуллубут дьиэҕэ көһөрүү үөрүүлээх түгэнигэр кытынна. Жатай бөһүөлэгэ биир бастакынан хаарбах уонна саахалланар туруктаах дьиэттэн көһөрүү бырагырааматын түмүктээтэ. Жатайга бүтэһик хаалбыт хаарбах дьиэни көтүрбүттэр уонна 69 кыбартыыралаах дьиэни үлэҕэ киллэрдилэр. Айсен Николаев бырагырааманан көһөрүү “Олорор дьиэ уонна куорат эйгэтэ” нацбырайыак көмөтүнэн ыытылларын бэлиэтээбит. “Бырагырааманы түргэнник түмүктүүр сыалтан Одькх реформатын пуондата бу күннэргэ Саха сиригэр өссө эбии 2 млрд солк. көрдө”, -- диэн эппит. Бу сыл бүтүөр диэри 3 тыһ. өрөспүүбүлүкэ олохтооҕо хаарбах уонна саахалланар туруктаах дьиэттэн көһөрүллүөхтээх.
-
0
-
0
-
0
-
0
-
0
-
0
