“Быйылгы күрэх төһө да кэтэхтэн буолбутун иһин, олус элбэх ыал көхтөөхтүк кытынна. Ол курдук, өрөспүүбүлүкэ 32 улууһуттан иккис түһүмэххэ 86 ыал ааспыта. Былырыын бу фестивальга 64 ыал кыттыбыта. Ол иннинэ – 51. Ити курдук, сыллата маннык хабааннаах күрэхтэргэ ыаллар өттүлэриттэн болҕомто улаатан иһэр”, – диэн үлэ уонна социальнай сайдыы миниистирэ Елена Волкова бэлиэтээтэ.
Фестиваль кыайыылаахтарыгар Ил Дархан 300 тыһ. солк суумалаах харчынан бириэмийэтэ бэриллэр. Маны таһынан, хас биирдии кыайыылаахха СӨ үлэҕэ уонна социальнай сайдыыга министиэристибэтэ миэбэл маҕаһыыннарын сэртипикээттэрин бэлэхтээтэ.
Быйылгы кыайыылаахтар:
“Саха сирин үтүө үгэстэрин харыстааччы дьиэ кэргэн” – Иван уонна Акулина Ануфриевтар дьиэ кэргэттэрэ, Чурапчы улууһа.
“Тыа сирин дьиэ кэргэнэ” – Виталий уонна Сахая Илюхиннар дьиэ кэргэттэрэ, Горнай улууһа.
“Элбэх оҕолоох ыал” – Сергей Егоров уонна Дина Дойдукова дьиэ кэргэттэрэ, Ньурба улууһа.
“Эдэр ыал” – Валентин Горохов уонна Ирина Бодруг дьиэ кэргэттэрэ, Томпот улууһа.
“Көс олохтоох дьиэ кэргэн” – Анатолий уонна Анна Поповтар дьиэ кэргэттэрэ, Анаабыр улууһа.
Бүтүн Арассыыйатааҕы “Бастыҥ ыал-2020” күрэх “Эдэр ыал” диэн хайысхатын кыайыылаахтарыгар, Чурапчы улууһуттан Герман уонна Елена Гороховтарга кыайыылаах бочуоттаах дьупулуомун, Арассыыйа быйылгы бастыҥ дьиэ кэргэттэрин туһунан кинигэни уонна аныгы ноутбугу бэлэхтээтилэр.
Хаартыскаҕа: Виталий уонна Сахая Илюхиннар дьиэ кэргэттэрэ.
-
0
-
0
-
0
-
0
-
0
-
0
