“Саха сиригэр төлөбүр бэнидиэнньиттэн, ол эбэтэр ахсынньы 21 күнүттэн түһэн саҕалыаҕа” диэн “Саха” НКИХ “Саҥа күн” биэриитигэр Саха сиринээҕи биэнсийэ пуондатын салайааччыта Георгий Степанов иһитиннэрдэ.
Георгий Степанов быйыл “коронавирус” төлөбүрдэрин ылбыт ыалларга харчы автоматически түһүө диэтэ. Хаттаан сайабылыанньа суруйар наадата суох диэн эттэ. Ол эбэтэр харчы эрдэ ыйыллыбыт счекка түһэр эбит.
Ол гынан баран, сайабылыанньаны икки түгэҥҥэ суруйуоххутун сөп. Ол курдук, эрдэ сайабылыанньа суруйбатах буоллаххытына эбэтэр счеккут реквизита уларыйбыт буоллаҕына. Маныаха сайабылыанньаны судаарыстыбаннай өҥөлөр порталларыгар эбэтэр биэнсийэ пуондатыгар бэйэтигэр биэриэххитин сөп.
Саха сиринээҕи биэнсийэ пуондатын дааннайынан, Саха сиригэр 7-гэр диэри саастаах 110 тыһ. оҕо олорор. Баларга барыларыгар Саҥа дьылга диэри 5 тыһ. солк. түһүөхтээх.
Төлөбүр 2012 сыл ахсынньы 18 күнүттэн 2021 сыл кулун тутар 31 күнүгэр диэри төрөөбүт оҕолорго бэриллэр.
-
0
-
0
-
0
-
0
-
0
-
0
