Тохсунньу 12 күнүнээҕи туругунан уопсайа 1878 элбэх кыбартыыралаах дьиэ подъезтарын дезинфекциялаабыттар. Дьокуускайга уопсайа 2424 элбэх кыбартыыралаах дьиэ баар. Ордук киччэллээхтик Киин, Губин, Автодорожнай, Октябарьскай уонна Сайсарскай уокуруктарга баар дьиэлэр подъездарыгар санитарнай сууйуу ыыппыттар. Ол курдук, тохсунньу 11 күнүгэр 589 элбэх кыбартыыралаах дьиэ подъезтарын дезинфекциялаабыттар. Бу күн Губин уонна Сайсар уокуруктарыгар баар дьиэлэр подъезтарын барытын санитарнай ирдэбилгэ эппиэттиир гына сууйбуттар.
Өскөтүн элбэх кыбартыыралаах дьиэ управляющай хампаанньата дезинфекциялыыр миэрэлэри оҥорбот буоллаҕына, олохтоохтор Дьокуускай куорат дьуһуурунай сулууспатыгар (4112) 44-42-29, 44-42-51 төлөпүөн нүөмэринэн эрийэн биллэриэхтэрин сөп. Киирбит сайаапкаларынан бэрэбиэркэ ыытыллар диэн Дьокуускай куорат дьаһалтатын пресс-сулууспата иһитиннэрэр.
-
0
-
0
-
0
-
0
-
0
-
0
