Мемориальнай дуосканы үөрүүлээх аһыыга Ил Түмэн Бэрэссэдээтэлэ Петр Гоголев, СӨ Конституционнай суутун бэрэссэдээтэлэ Александр Ким-Кимэн, СӨ Ил Дарханын уонна Бырабыыталыстыбатын дьаһалтатын салайааччы Афанасий Владимиров, “АЛРОСА” ЯПТА дириэктэрэ Алексей Евстратов, Ньургун Тимофеев быраата Никита Тимофеев кыттыыны ыллылар. Төрдүөн үөрүүлээх быһыы-майгы, ытыс таһыныытын ортотугар мемориальнай дуосканы астылар.
Ил Түмэн Бэрэссэдээтэлэ Петр Гололев «Барыгытын бу үөрүүлээх тэрээһининэн ис сүрэхпиттэн эҕэрдэлиибин! Ньургун Семенович Тимофеев Саха Өрөспүүбүлүкэтигэр парламентаризм бөҕөргүүрүгэр, атаҕар бигэтик турарыгар сүҥкэн өҥөлөөх салайааччынан буолар. Парламент аптарытыата үрдүүрүгэр сөптөөх бэлиитикэни тутуһан үлэлээбитэ. Ньургун Семенович быһаччы көҕүлээһининэн, Ил Түмэн иһинэн олохтоох бэйэни салайыныы сэбиэтэ, тирээн турар боппуруостары ырытар, дьүүллэһэр пресс-кулууп тэриллэн, таһаарыылаахтык үлэлээбиттэрэ. Түгэнинэн туһанан, бу мемориальнай дуосканы туруорууга күүс-көмө буолбут «АЛРОСА” ЯПТА дириэктэрэ Алексей Евстратовка махталбын тиэрдэбин»,-- диэн эттэ. Салгыы эҕэрдэ тылы СӨ Конституционнай суутун бэрэссэдээтэлэ Александр Ким-Кимэн, СӨ Ил Дарханын уонна Бырабыыталыстыбатын дьаһалтатын салайааччы Афанасий Владимиров, Нам улууһун баһылыга Юрий Слепцов биллиилээх бэлиитик Ньургун Тимофеев олорон ааспыт олоҕуттан саҕалаан Саха сирэ бигэтик сайдарын туһугар элбэх үлэни ыыппытын, тугунан да кэмнэммэт кылаатын киллэрсибитин ылыннарыылаахтык, үтүө тылынан ахтан-санаан ыллылар. Ньургут Тимофеев быраата Никита Семенович бу тэрээһини олоххо киллэриигэ кыттыбыспыт, көмөлөспүт уонна бу тэрээһиҥҥэ кытта кэлбит дьоҥҥо аймахтар ааттарыттан махтал тылларын эттэ. Дьэ ити курдук истиҥ-иһирэх тыллар кэннилэриттэн саҥа аһыллыбыт мемориальнай дуоскаҕа сибэкки дьөрбөтүн ууруу буолла. Маны этэн эрдэхтэрэ, үтүө киһи аата үйэлэргэ умнуллубат диэн.
Олоҕун олуктара
-1963 сыллаахха олунньу 7 күнүгэр Дьокуускайга төрөөбүтэ.
-1985 с. — Саха государственнай университетын бүтэрбитэ.
-1989 с. — Томскайдааҕы политехническэй институт аспирантуратын бүтэрбитэ.
-1991-1992 сс. — АК «Туймаада Даймонд» техническэй дириэктэрэ.
-1992-1993 сс. — АК «Саха Даймонд» генеральнай дириэктэрэ.
-1993-1996 сс. — АК «АЛРОСА» ЯПТА дириэктэрэ.
-1996-2005 сс. — АК «АЛРОСА» батарыыга тэрилтэтин генеральнай дириэктэрин солбуйааччы (Москва к.)
-2000 с. — Норуот хаһаайыстыбатын Академиятын бүтэрбитэ, техническэй билим хандьытаата.
-2005-2008 с. — Саха Өрөспүүбүлүкэтин Ил Түмэнин Бэрэссэдээтэлэ.
-2012-2017 сс. СӨ Ил Дарханын сүбэһитэ.
-2017 сыл ахсынньы 13 күнүгэр соһуччу күн сириттэн күрэммитэ.
-
0
-
0
-
0
-
0
-
0
-
0
