Тэрээһиҥҥэ саҥа технологиялар көмөлөрүнэн дойдубут араас муннуктарыттан, ону таһынан тас дойдулартан литератураны, тылынан уус-уран айымньыны сэргиир, норуот дьылҕатын туһугар долгуйар, бу икки чулуу дьоммут – Владимир Михайлович уонна Александр Николаевич – айар үлэлэрин кэрэхсиир элбэх киһи кытынна. Олус истиҥ, сэргэх, сылаас кэпсэтии буолла. Кыттааччылар ис дууһаларыттан маннык дьонноохторунан киэн тутталларын, духуобунай баайбытын үйэтитэргэ, кэлэр кэскилгэ туһаайыллар үлэлэригэр сүгүрүйэллэрин бэлиэтээтилэр.
Кинигэ сүрэхтэниитин кыттыылаахтара А.Н. Жирковка олох тургутуутун этэҥҥэ ааһарыгар, түргэнник үтүөрэ охсон норуотун туһугар далааһыннаах, хорутуулаах үлэтин салгыырыгар, өссө да элбэх кэрэхсэбиллээх бырайыактарын дьонугар-сэргэтигэр бэлэх уунарыгар баҕа санааларын эттилэр, хомус дьүрүһүйэр тыаһынан, дьүрүскэн дорҕооннорунан алгыстарын тиэртилэр. Бар дьонун алгыһа, үтүө баҕа санаата Александр Николаевич ыарахан ыарыыны утары охсуһарыгар күүс-көмө буоллун!
Кинигэ сүрэхтэниитин сиһилии киирэн көрөргүтүгэр ыҥырабыт.
Сергей Васильев, Ил Түмэн
-
0
-
0
-
0
-
0
-
0
-
0
