“Уһук илиҥнэртэн” саамай бастыҥнарынан – Хабаровскай кыраай буолбут. Бу эрэгийиэн испииһэккэ 17-с миэстэҕэ турбут. Кини кэнниттэн Приморскай кыраай (21-с миэстэ) уонна Саха сирэ (26-с миэстэ) тилэх баттаһаллар.
Рейтиҥи 10 индикаторга-көрдөрүүгэ олоҕуран оҥорбуттар. Балар олох хаачыстыбатыгар быһаччы дьайаллар. Холобур, эрэгийиэҥҥэ биир киһиэхэ тиксэр биирдиилээн атыы-эргиэн өҥөтүн сайдыытын, нэһилиэнньэ олорор дьиэни атыылаһар кыаҕын, быраастарынан уонна учууталларынан хааччыллыыны, килиимэти уо.д.а. көрдөрүүлэри учуоттаабыттар.
Быйылгы 2021 сыллааҕы рейтиҥҥэ хамсыгы кытта ситимнээх уларыйыылары болҕомтоҕо ылбыттар. Ол курдук, кэккэ эрэгийиэннэргэ атыы-эргиэн мөлтөөбүт, гражданнар кирэдьииккэ иэстэрэ улааппыт, уурунуу харчылара аҕыйаабыт. Ол гынан баран, сорох субъектарга сөптөөх судаарыстыбаннай бэлиитикэ барбытын суотугар, нэһилиэнньэни олорор дьиэнэн-уотунан уонна социальнай эбийиэктэринэн хааччыйыы тупсубут.
-
0
-
0
-
0
-
0
-
0
-
0
