Евгений Степанов, Томпотооҕу Кэлим диспетчер сулууспатын салайааччыта:
7-с кылаас үөрэнээччитэ 14 саастаах уол оҕо сүппүтүн туһунан биһиэхэ от ыйын 24 күнүгэр эппиттэрэ. Аймахтарын кытта кэпсэппитим. Оҕо 2-с №-дээх ыстаадаҕа сайылыы барбыт. Айылҕаҕа сылдьа үөрүйэх, эт-хаан өттүнэн бэйэтин кыанар диэн кэпсээбиттэрэ. Көрдүүр үлэни ыыта олоробут. Ардах бөҕө түспүтэ, туундара туманынан бүрүллүбүтэ. Онон оҕо, тумаҥҥа балыйтаран, ыстааданы ааһа барбыт буолуон сөп. Маҥнай оҕону аймахтара көрдүү барбыттар этэ. Бэҕэһээ дьаһалта уонна полиция үлэһиттэрэ буолан, 6 киһилээх бөлөх айаннаабыта. Ыстаадаҕа бэйэтигэр 4 киһи баар. Олор эмиэ көрдөһөллөр. Бүгүн 17 киһи көрдүү айаннаата: “Нефтебаза” тэрилтэтиттэн – 2, ДьУоХХ-ттан – 3, баһаарынай сулууспаттан – 2, дьаһалтаттан – 6, “Сахаэнерго” хампаанньа оройуоннааҕы салаатыттан – 2, киин балыыһаттан – 1, айылҕа харыстабылын тэрилтэтиттэн – 2, быыһыыр сулууспаттан 9 киһи уонна ыттаах кинолог. Эбии баҕа өттүнэн көмөлөһөр дьону көрдүүбүт, биллэрии ыыталаатыбыт. Быыһыыр сулууспа бөртөлүөтүн кэтэһэн олоробут. “Чаас аҥаарынан тиийиэҕэ, бэлэм олоруҥ” диэн эттилэр. Быыһыыр сулууспаттан 9 киһилээх бөлөх уонна кинолог бараллар. Атыттар массыынанан федеральнай трасса 590 км. “Черный прижим” учаастагар айаннаабыттара.
-
0
-
0
-
0
-
0
-
0
-
0
