Роспотребнадзор өрөспүүбүлүкэтээҕи управлениетын пресс-сулууспата иһитиннэрбитинэн, тас дойдуга 13905 өрөспүүбүлүкэ олохтооҕо сынньаммыт. Ол онтон 10 тыһ. тахса киһитэ быйыл тасхан сынньаммыттар.
«Быйыл тас дойдуттан сынньанан кэлбит дьонтон 91 киһитэ коронавирус ыарыынан ыарыйда. Ол курдук Египеттэн, Турцияттан, ОАЭ-тан, Кыргызстантан, Кубаттан, Арменияттан, Танзанияттан, Кипртан, Чехияттан, Автрияттан уонна Казахстантан кэлбит дьон ыарыйдылар», -- диэн иһитиннэрбиттэр.
Сынньанан кэлбит 631 киһи булгуччулаах ирдэбили толорботохтор: айаннаан кэлбиттэриттэн түөрт күн иһигэр ПЦР анаалыһын туттарбатахтар уонна анаалыстарын түмүгүнэн судаарыстыбаннай өҥөлөр порталыгар киллэрбэтэхтэр. Ирдэбили кэһээччилэргэ түһэриллибит ыстараап уопсай суумата 4 мөл. солк. тахса буолбут.
Өрөспүүбүлүкэтээҕи суһал ыстаап иһитиннэрэринэн атырдьах ыйын 3 күнүгэр Саха сиригэр эбии 146 киһи COVID-19 ыарыыга сутулунна.
Дьокуускайга — 81;
Мииринэй – 17;
Алдан, Уус Алдан – 11;
Нерюнгри – 6;
Нам – 5;
Бүлүү, Мэҥэ Хаҥалас, Ньурба, Сунтаар – 2;
Амма, Кэбээйи, Ленскэй, Уус Маайа, Хаҥалас, Чурапчы, Эбээн Бытантай – 1.
Ааспыт сууккаҕа 686 анаалыс оҥоһулунна. Пандемия саҕаланыаҕыттан барыта 1 267 156 тест оҥоһуллубут.
-
0
-
0
-
0
-
0
-
0
-
0
