Тэрээһиҥҥэ аччыгый авиация сайдыытыгар, хотугу улуустары аһынан-үөлүнэн хааччыйыыга, дьону таһыыга көрсүллэр кыһалҕаллар туһунан кэпсэттилэр. Норуот дьокутаата Виктор Федоров СӨ Бырабыыталыстыбата 2019 сыллаахха аччыгый авиацияны сайыннарыыга концепция ылыммытын санатта. «Саха Өрөспүүбүлүкэтин Бырабыыталыстыбата 2019 сыллаахха ылыммыт концепциятынан 2021 сылга аччыгый авиацияны сайыннарар пилотнай бырайыактар олоххо киириэхтээхтэр этэ. 2021 сыллааҕы судаарыстыбаннай бүддьүөтү ылынарбытыгар аччыгый авиацияны сайыннарыыга концепция олоххо киллэрэр наадалааҕын бырабыыталыстыбаҕа тоһоҕолообутум. Онуоха «Ансат» бөртөлүөт ылар туһунан эппиттэрэ. Ол дьаһал өрөспүүбүлүкэҕэ бу салааны сайыннарга сөп буолбат», -- диэн Виктор Федоров иһитиннэриитигэр бэлиэтээтэ.
Норуот дьокутаата Саха Өрөспүүбүлүкэтин Тырааныспарка уонна суол хаһаайыстыбатыгар министиэристибэтэ бу үлэни дьоһуннаахтык ылсарыгар уонна концепцияны олоххо киллэрэргэ үлэ ыыталларыгар этии киллэрдэ.
-
0
-
0
-
0
-
0
-
0
-
0
