От ыйын 28 күнүгэр СӨ Суһал ыстаабын мунньаҕын Ил Дархан Айсен Николаев салайан ыытта. Кини коронавируспут төрдүс долгуна кэлэн иһэрин бэлиэтээтэ. Арҕаа дойдуларга бу долгуну «быһыыны ылбатахтар пандемиялара» диэн бэлиэтииллэрин тоһоҕолоон эттэ. Онон быһыыны ылыыга күүстээх үлэни ыытарга туһаайда.
Быһыыны ылыыга намыһах көрдөрүүлээх улуустарынан Алдан, Амма, Булуҥ, Үөһээ Бүлүү, Мэҥэ Хаҥалас, Мииринэй, Нам, Нерюнгри, Сунтаар, Таатта, Уус Алдан, Усуйаана, Чурапчы буолаллар.
Саха сирин кылаабынай санитарнай бырааһа Маргарита Игнатьева Дьокуускайга дьон хааччахтыыр миэрэни тутуспатынан, аралдьытар-сынньатар сирдэр, COVID-free зоналар үлэлэрин тохтоторго, хамсыкка сутуллубуттары кытта алтыспыт дьону обсерватордарга киллэрэн бэрэбиэркэлиир ньыманы төнүннэрэргэ этии киллэрдэ. Оттон вице-премьер Ольга Балабкина улуустарга киин сиртэн тиийбит дьон хайаан да 14 хонук бэйэни хааччахтаналларын, дьиэлэригэр олороллорун олохтоох дьаһалталар ирдииллэрин санатта.
-
0
-
0
-
0
-
0
-
0
-
0
