Көрө түспүтүм күрүлэс-күргүөм, эргиллибитим эйэҕэс-элэккэй, хайыһан ылбытым харах хайҕала, сүрэх өрүкүйүүтэ, хатыламмат кэрэтэ! Бу барыта бүгүн, сибилигин, манна. Ханнык да Хара муораттан, омук дойду дуйуттан, атын дойду алтаныттан, тас дойду таһаатыттан хаалсыбат дьикти дьэрэкээнэ, сөрүүкэтэр уута, хаххалыыр тайҕата, үрдүккэ талаһар таас хайата, таалалыыр талба хонуута, ааспыты кэпсиир, буолбуту сэһэргиир таайтарыылаах-таайбараҥнаах, суруктаах-бичиктээх сир-уот биһиэхэ баар.
Көрө түспүтүм күрүлэс-күргүөм, эргиллибитим эйэҕэс-элэккэй, хайыһан ылбытым харах хайҕала, сүрэх өрүкүйүүтэ, хатыламмат кэрэтэ! Бу барыта бүгүн, сибилигин, манна. Ханнык да Хара муораттан, омук дойду дуйуттан, атын дойду алтаныттан, тас дойду таһаатыттан хаалсыбат дьикти дьэрэкээнэ, сөрүүкэтэр уута, хаххалыыр тайҕата, үрдүккэ талаһар таас хайата, таалалыыр талба хонуута, ааспыты кэпсиир, буолбуту сэһэргиир таайтарыылаах-таайбараҥнаах, суруктаах-бичиктээх сир-уот биһиэхэ баар.
Оччотооҕуну субу баардыы оллоонноон олорон тойукка туойбут, буолуохтааҕы, кэлиэхтээҕи омуннуу түһэ-түһэ обургу соҕус оҥорон, эбэн биэрэ-биэрэ сүүнэ улахан гынан олоҥхоҕо хоһуйбут, инникини илбистээх тылынан ойуулаабыт, биири биэс гыммыт, тоҥтон толлубат, куйаастан куттаммат, буурҕаҕа бураллыбат, тыалга ыһыллыбат кытаанах санаалаах, туллубат туруктаах сахалар буолабыт. Өрө көрбүттэри, өрөппөөннүрбүттэр өркөн өйүнэн дөйүппүт, харса суох халахыйбыттары, холооно суох хоролдьуйбуттары хотоойу, холку санаанан хоппут саха буолабыт. Саха буоларгынан киэн тутун, сатаабат диэнтэн саллыма, билбэт диэнтэн биэтэҥнээмэ, оргууй-оргууй лаппыйдар лаппыйан иһиэххэ, наллаан-наардаан нэмийэн иһиэххэ, сааһылаан,ыраҥалаан ыраатан иһиэххэ.
Хаартыска: Туймаада ыһыаҕын архыыбыттан
0
0
0
0
0
0
