Төлөбүр кээмэйэ ыал дохуотуттан тутулуктаныаҕа. Өскөтүн төлөбүрү аныыр кэмҥэ дьиэ кэргэн биирдии чилиэнигэр тиксэр дохуота тиийинэн олоруу кээмэйигэр тиийбэт буоллаҕына, үрдэтиллибит босуобуйа ананар.
Үрдэтиллибит босуобуйаҕа сайабылыанньаны муус устар 1 күнүттэн ылыахтара, оттон анаммыт төлөбүр тохсунньу 1 күнүттэн ааҕыллан төлөнүөҕэ, эбэтэр оҕо 2021 сылга 3 сааһын туолбут күнүттэн.
Оттон босуобуйаны ыла сылдьар төрөппүттэр муус устар 1 күнүттэн саҥаттан сайабылыанньа биэриэхтэрин сөп. Үрдэтиллибит төлөбүр ананнаҕына, муус устар ыйга үрдэтиллибит босуобуйаны таһынан үс ыйдааҕы эбии төлөбүрү (доплата) ылыахтара.
Тохсунньу-кулун тутар ыйдарга аан маҥнай сайабылыанньа биэрбит ыалларга төлөбүр кээмэйэ оҕо тиийинэн олорор кээмэйин аҥаарын саҕа буолуоҕа, оттон үрдэтиллибит босуобуйаны ылар бырааптаах буоллахтарына, муус устар 1 күнүттэн саҥаттан сайабылыанньа биэрэллэрэ ирдэнэр.
Кыра дохуоттаах ыаллар муус устар 1 күнүттэн аан маҥнай сайабылыанньа биэрэр буоллахтарына, тута үрдэтиллибит төлөбүр ананар. Сайабылыанньаны “Госуслуга” порталынан уонна олохтоох социальнай көмүскэл управлениетыгар биэриэхтэрин сөп.
-
0
-
0
-
0
-
0
-
0
-
0
