Бырабыыталыстыба Бэрэсэдьиэн сорудаҕын балаҕын ыйын 1 күнүгэр диэри толорон отчуоттуохтаах. Эрдэтээҕи сонуннарга РФ Үлэҕэ миниистирэ Антон Котяков маннык харчынан өйөбүлү Арассыыйа 17 мөлүйүөн кэриҥэ дьиэ кэргэнэ ыларын туһунан эппитэ. Оҕолоох ыаллар элбэх өҥөлөөх кииҥҥэ (МФЦ-га), РФ Биэнсийэ пуондатыгар, социальнай харалта тэрилтэлэригэр эбэтэр судаарыстыбаннай өҥөлөр порталларыгар сайабылыанньа суруйаллар.
Маны таһынан, ыам ыйын 1 күнүгэр Владимир Путин элбэх оҕолоох ыалларга ипотекаларын төлүүллэригэр эбэтэр дьиэ тутталларыгар судаарыстыбаттан 450 тыһ. солк. көрүллэрин туһунан сокуоҥҥа илии баттаата.
Дойду баһылыгын Анал этиитигэр ситэтэ суох дьиэ кэргэттэргэ социальнай көмөлтө оҥоһулларын туһунан этиллибитэ. Ол курдук, 8-тан 16-гар диэри саастаах оҕолоох аҥаардас ийэлэргэ эбэтэр аҕаларга 5 650 солк көмө оҥоһуллуохтаах. Оҕо күүтэ сылдьар кыаммат ийэлэргэ ый аайы 6 350 солк. босуобуйа, 7-гэр диэри саастаах оҕолоох ийэлэргэ больничнайдара 100 % төлөнүөхтээх.
-
0
-
0
-
0
-
0
-
0
-
0
