«Дойду баһылыга Владимир Путин сорудаҕынан сайабылыанньа түһэрбит төрөппүттэргэ 10 тыһ. кээмэйдээх биир кэмнээх көмө харчыны ыытыы болдьоҕун иннинэ саҕаламмыта – атырдьах ыйын 2 күнүттэн. Биэнсийэ пуондатыгар сайабылыанньаны ыыппыт төрөппүттэр үгүстэрэ төлөбүрү туттулар. Атырдьах ыйын 2 күнүнээҕи туругунан, 17,4 оҕо төрөппүттэрэ ылбыттар. Сайабылыанньаны биэрии уонна ону көрүү-истии салҕанар», -- диэн миниистир эппит.
Санатар буоллахха, Оҕо 6 сааһын 2021 сыл балаҕан ыйын 1 күнүгэр диэри, оттон 18 сааһын от ыйын 3 күнүн кэннэ туолбут буолуохтаах. Үөрэнээччилэргэ төлөбүр туһунан сайабылыанньаны РФ биэнсийэҕэ пуондатын олохтоох салаата сэтинньи 1 күнүгэр диэри ылыаҕа. 6 саастаах оҕо оскуолаҕа барбат да буоллаҕына, бу харчыны ылар бырааптаах. Ааҕан көрбүттэринэн, Арассыыйаҕа 20 мөл. оҕо бу төлөбүрү ылар, онно 204 млрд солк. көрүллүбүт. Бу иннинэ төлөбүрү атырдьах ыйын 16 күнүттэн ыытарга былаанныыллара, ол гынан баран РФ үлэҕэ миниистирэ Антон Котяков от ыйын 28 күнүгэр төлөбүрү ыытарга үлэ хаамыыта бэлэмин иһитиннэрбитигэр, дойду баһылыга Владимир Путин болдьообут кэмнэриттэн эрдэ ыытарга сорудах биэрбит.
-
0
-
0
-
0
-
0
-
0
-
0
