--Квадроциклынан баһаардары барытын эргийэн көрөн кэллим. Хадаайыга балаһыанньа тубуста. Опашка оҥорон, кэмигэр утары уот ыытан, арыый да буолла, намыраата. Илин өттүбүтүттэн бэҕэһээ куттаабыт уоппутун түүннэри үлэлээн умуллардыбыт. Баһаар бытаарбытын кэннэ, сарсыарда түөрт МТЗ тыраахтар үлэлээтэ. Карьерынан уот син биир кэлиэҕэ. Ону утары киирэн тохтотор кыах суох. Ол гынан баран наһаа долгуйумаҥ, итиннэ бэйэтэ умайбыт сир, онно кэлэн иҥниэҕэ, бытааран тохтуоҕа.
Чараҥ диэки, даачаларга, баһаары утары разрыв оҥордубут, утары уот ыыттыбыт. МТЗ тыраахтардар, бульдозердар, бөлөрүүстэр үлэлии сылдьаллар. Уунан умуруорар, кэтиир киһи элбэх. Баһаарынай массыыналар кутталлаах сирдэргэ харабыллыыллар. Балаһыанньа ыараатаҕына, нэһилиэнньэ көмөҕө кэлэргэ бэлэм олорор.
-
0
-
0
-
0
-
0
-
0
-
0
